ਹੁਣ ਜੈ ਹਿੰਦ ਅੜੀਏ
ਅਮਰਜੀਤ ਢਿੱਲੋਂ
ਜਿੰਨੀ ਨਿਭ ਗਈ ਤੇਰੇ ਨਾਲ ਵਧੀਆ, ਨੀ ਹੁਣ ਜੈ ਹਿੰਦ ਅੜੀਏ।
ਬੱਸ ਹੁਣ ਤੂੰ ਬਖਸ਼ ਦੇ ਮੈਨੂੰ, ਨੀ ਬਣ ਬਖਸ਼ਿੰਦ ਅੜੀਏ।
ਤੇਰੀ ਤਲਬ 'ਚ ਮੈਂ ਕੀ ਕੀ ਨਹੀਂ ਕੀਤਾ ਨੀ।
ਤੈਨੂੰ ਡੀਕਾਂ ਲਾ ਕੇ ਰੋਜ ਹੈ ਮੈਂ ਪੀਤਾ ਨੀ।
ਦਿਨ ਚੜ•ਦੇ ਲਗਾਈ ਰੋਜ ਮੌਤ ਮੈਂ ਗਲੇ, ਤੈਨੂੰ ਲਿਆ ਮੈਂ ਕਲਾਵੇ ਵਿੱਚ ਸ਼ਾਮ ਨੀਂ ਢਲੀ।
ਇਹ ਨਾ ਸਮਝੀਂ ਕਿ ਹੁਣ ਰਿਹਾਂ ਨਿੰਦ ਅੜੀਏ, ਜਿੰਨੀ. . .
ਤੇਰੇ ਚੰਦਰੇ ਨਸ਼ੇ ਦੇ ਵੀ ਕੀ ਕਹਿਣੇ ਬੱਲੀਏ, ਸਾਰਾ ਰੱਖਤਾ ਸਰੀਰ ਹੀ ਮੈਂ ਗਹਿਣੇ ਬੱਲੀਏ।
ਸਾਲਾਂ ਬੱਧੀ ਸਾਂ ਮੈਂ ਰਿਹਾ ਕਰਦਾ ਉਡੀਕਾਂ ਨੀ, ਪਤਾ ਨਹੀਂ ਕਦੋਂ ਲੰਘ ਗਈਆਂ ਇਹ ਤਰੀਕਾਂ ਨੀ।
ਚਾਲੀ ਸਾਲ ਵੀ ਲੱਗਣ ਜਮਾਂ ਬਿੰਦ ਅੜੀਏ, ਜਿੰਨੀ . . .
ਤੇਰੇ ਉੱਪਰ ਵੀ ਹੁਣ ਤਾਂ ਇਹ ਗਿਲ•ਾ ਕਾਹਦਾ ਹੈ, ਨਾਲ ਜ਼ਿੰਦਗੀ ਨਿਭਾਉਣਾ ਆਪਣਾ ਮੈਂ ਵਾਅਦਾ ਹੈ।
ਐ ਅੰਗੂਰ ਦੀ ਤੂੰ ਬੇਟੀ ਮਸਤ ਰਕਾਨੇ ਨੀ, ਅੱਜ ਵੱਸਦੀ ਤੂੰ ਰਹਿ ਆਪਣੇ ਮੈਅਖਾਨੇ ਨੀ।
ਢਿੱਲੋਂ ਹੁਣ ਕਰੇ ਬਰਦਾਸ਼ਤ ਨਾ ਜਿੰਦ ਅੜੀਏ, ਬੱਸ ਹੁਣ ਤੂੰ ਬਖਸ਼ ਦੇ ਮੈਨੂੰ ਬਣ ਬਖਸ਼ਿਦ ਅੜੀਏ।
ਜਿੰਨੀ ਨਿਭ ਗਈ. . .
No comments:
Post a Comment