ਟਿੰਡ ਵਰਗਾ ਕਹਿੰਦੇ ਨੇ ਕੋਈ ਭਾਂਡਾ, ਪਿਆ ਪਿਆ ਜੇਕਰ ਨਾ ਰਿੜੇ ਸਾਥੀ।
ਜੱਟ ਵਰਗਾ ਕਹਿੰਦੇ ਨੀਂ ਬਾਠ ਕੋਈ, ਖਾਹ ਮਖਾਹ ਨਾ ਜੇਕਰ ਕੋਈ ਭਿੜੇ ਸਾਥੀ।
ਗਿੱਦੜ, ਚੋਰ ਨੂੰ ਭੱਜਦਿਆਂ ਹੈ ਲਾਹਾ, ਨੌਕਰ ਆਦਮੀ ਬਹੁਤਾ ਨਾ ਤਿੜੇ ਸਾਥੀ।
ਘਰੋਂ ਜਿਨ੍ਹਾਂ ਨੂੰ ਨਹੀਂ ਪਿਆਰ ਮਿਲਦਾ, ਉਹੀਂਓ ਲੋਕ ਹੁੰਦੇ ਨੇ ਚਿੜਚਿੜੇ ਸਾਥੀ।
ਹੁੰਦੀ ਨੰਗ ਦੀ...
ਹੁੰਦੀ ਨੰਗ ਦੀ ਦੋਸਤੀ ਇੱਕ ਤਰਫੀ, ਦੂਜੇ ਪਾਸੇ ਜਾਂ ਯਾਰ ਅਮੀਰ ਹੋਵੇ।
ਕਿਵੇਂ ਯਾਰ ਕਰੇ ਆਪਣੇ ਪਿੰਡ ਤਾਈਂ ਜੀਹਦਾ ਵਿੱਚ ਵਿਦੇਸ਼ਾਂ ਦੇ ਸੀਰ ਹੋਵੇ।
ਸ਼ੁਹਰਤ ਬੰਦੇ ਦੇ ਪੈਰ ਉਖਾੜ ਦਿੰਦੀ, ਕਲਾਕਾਰ ਤੇ ਭਾਵੇਂ ਵਜੀਰ ਹੋਵੇ।
ਦਇਆ ਸਿੰਘ ਜਹਾਨ 'ਤੇ ਕੌਣ ਐਸਾ, ਜਿਹਦਾ ਸ਼ੁਰੂ ਦੇ ਵਾਂਗ ਅਖੀਰ ਹੋਵੇ।
ਉੱਚੇ ਪਰਬਤਾਂ 'ਤੇ ਬਰਫ ਲਾਰਿਆਂ ਦੀ, ਰਹੀ ਦੇਸ਼ ਸਾਡੇ ਨਿੱਤ ਜੰਮ ਮੀਆਂ।
ਦੇਸ਼ ਖੁਰ ਰਿਹਾ ਹੈ ਕੱਚੀ ਕੰਧ ਵਾਂਗੂ, ਕਿਤੇ ਡਿੱਗ ਨਾ ਪਵੇ ਧੜੰਮ ਮੀਆਂ।
ਲੋਕ ਰਾਜ ਦੀ ਖੋਖਲੀ ਨੀਂਹ ਹੋਈ, ਹਿੱਲ ਗਏ ਨੇ ਇਸ ਦੇ ਥੰਮ ਮੀਆਂ।
ਇੱਥੇ ਪੂਜਾ ਨੂੰ ਸਮਝਦੇ ਕੰਮ ਲੋਕੀ, ਐਪਰ ਪੂਜਾ ਨਾ ਸਮਝਦੇ ਕੰਮ ਮੀਆਂ।
ਜਿਸ ਰਾਹ ਇਕੱਲਾ...
ਜਿਸ ਰਾਹ ਇਕੱਲਾ ਤੂੰ ਤੁਰਨ ਲੱਗੈਂ, ਇਹ ਰਸਤਾ ਨਹੀਂ ਹੈ ਆਮ ਬੀਬਾ।
ਤੁਰਨ ਵਾਲੇ ਨੇ ਮੰਜ਼ਿਲ 'ਤੇ ਪਹੁੰਚ ਜਾਂਦੇ, ਜਿਹੜੇ ਕਰਦੇ ਨਹੀਂ ਆਰਾਮ ਬੀਬਾ
ਰੂੜ੍ਹੀਵਾਦ ਦੀ ਪਕੜ ਹੈ ਬੜੀ ਪੀਡੀ, ਔਖਾ ਬਦਲਣਾ ਬੜਾ ਨਿਜ਼ਾਮ ਬੀਬਾ।
ਸਾਡੇ ਧਰਮ ਗੰ੍ਰਥਾਂ ਦੀ ਹੀ ਸੀ ਕ੍ਰਿਪਾ, ਜੋ ਰਹੇ ਸਦੀਆਂ ਅਸੀਂ ਗੁਲਾਮ ਬੀਬਾ।
ਹੁੰਦੇ ਮੂੰਹਾਂ ਦੇ...
ਹੁੰਦੇ ਮੂੰਹਾਂ ਦੇ ਤਾਈਂ ਮੁਲ੍ਹਾਜੜੇ ਨੇ, ਹੁੰਦੀ ਸਿਰਾਂ ਨੂੰ ਸਦਾ ਸਲਾਮ ਬੀਬਾ।
ਅਸੀਂ ਰਹਿ ਗਏ ਖੁਦ ਬੇਨਾਮ ਹੋ ਕੇ, ਕਿਸ ਸਖਸ਼ ਦਾ ਜਪੀਏ ਨਾਮ ਬੀਬਾ।
ਸ਼ਾਮ ਹੁੰਦਿਆਂ ਬਾਰ ਹਾਂ ਭੇੜ ਲੈਂਦੇ, ਬੜੇ ਪੈਂਦੇ ਨੇ ਮਹਿੰਗੇ ਹੁਣ ਜਾਮ ਬੀਬਾ।
ਬਾਬੇ ਦਸਵੇਂ ਦਸੌਂਧ ਦੀ ਮੰਗ ਕਰਦੇ, ਛੱਡੇ ਨਹੀਂ ਮਹਿੰਗਾਈ ਨੇ ਦਾਮ ਬੀਬਾ।
ਮਾਰੂ ਮੀਂਹ ਦੇ...
ਮਾਰੂ ਮੀਂਹ ਦੇ ਨਾਲ ਨਾ ਤ੍ਰਿਪਤ ਹੁੰਦੇ, ਕਦੇ ਅੱਗ ਦੀ ਲਹੇ ਨਾ ਭੁੱਖ ਮੀਆਂ।
ਟਿੱਡੀ ਦਲ ਨੇਤਾਵਾਂ ਦੇ ਚੱਟ ਜਾਂਦੇ, ਹਰੇ ਸੱਚ ਆਚਾਰ ਦੇ ਰੁੱਖ ਮੀਆਂ।
ਪਹਿਲਾਂ ਆਪਣੇ ਦੁੱਖ ਫਰੋਲ ਲੈਂਦਾ, ਜਿਸ ਕੋਲ ਜਾ ਕੇ ਰੋਈਏ ਦੁੱਖ ਮੀਆਂ।
ਪਾ ਕੇ ਵੰਡੀਆਂ ਮਜ੍ਹਬ ਦੀਆਂ ਵੰਡ ਦਿੱਤਾ, ਰਹਿਣ ਦਿੱਤਾ ਨਾ ਬੰਦਾ ਮਨੁੱਖ ਮੀਆਂ।
ਲੋਕ ਰਾਜ ਹੁਣ...
ਲੋਕ ਰਾਜ ਹੁਣ ਪੂਰੀ ਤਰ੍ਹਾਂ ਪੱਕ ਗਿਆ ਹੈ, ਲੱਗੇ ਦਿਨ ਦੀਵੀਂ ਡਾਕੇ ਪੈਣ ਇੱਥੇ।
ਕੁਰੱਪਸ਼ਨ ਅਤੇ ਮਹਿੰਗਾਈ ਦੀ ਗੱਲ ਮੁੱਕੀ, ਲੋਕ ਲੱਗ ਪਏ ਸਭ ਕੁਝ ਸਹਿਣ ਇੱਥੇ।
ਕੂੜੇਦਾਨ 'ਚ ਗਏ ਸਿਧਾਂਤ ਸਾਰੇ, ਕਦਰਾਂ ਕੀਮਤਾਂ ਨੂੰ ਲੱਗਾ ਗ੍ਰਹਿਣ ਇੱਥੇ।
ਮੁਰਦਾ ਸ਼ਾਂਤੀ ਦੇ ਇਸ ਦੌਰ ਅੰਦਰ, ਸਾਡਾ ਗਿਆ ਗਵਾਚ ਹੈ ਚੈਨ ਇੱਥੇ।
ਖਪਤ ਕਲਚਰ ਦਾ...
ਖਪਤ ਕਲਚਰ ਦਾ ਕੇਹਾ ਪ੍ਰਭਾਵ ਮਾੜਾ, ਅਸੀਂ ਕਹਿੰਦੇ ਕਹਾਉਂਦੇ ਸਭ ਚੀਜ ਬਣ ਗਏ।
ਤਪਦਿਕ ਤੋਂ ਬਚੇ ਸਰੀਰ ਭਾਵੇਂ ਮਨ ਟੀ.ਵੀ. ਦੇ ਸਾਡੇ ਮਰੀਜ ਬਣ ਗਏ।
ਹੜ੍ਹ ਆ ਗਿਆ ਹੈ ਮੌਕਾ ਪ੍ਰਸਤੀਆਂ ਦਾ ਰਾਤੋ ਰਾਤ ਪਜਾਮੇ ਕਮੀਜ਼ ਬਣ ਗਏ।
ਜਿਸ ਰਸਤਿਉਂ ਦਿੱਸਿਆ ਲਾਭ ਮਿਲਦਾ, ਸਰ, ਅਜ਼ੀਜ਼ ਤੇ ਚਾਚੇ ਭਤੀਜ ਬਣ ਗਏ।
ਸਾਡੇ ਦੇਸ਼ ਦੀ...ਸਾਡੇ ਦੇਸ਼ ਦੀ ਅਜ਼ਮ ਹੈ ਰਾਜਨੀਤੀ, ਰਿਹਾ ਅੰਨ੍ਹੀ ਨੂੰ ਬੋਲਾ ਘੜੀਸ ਪਿਆਰੇ।
ਝੁਠੇ ਲੋਕਾਂ ਦੇ ਰੋਜ਼ ਪ੍ਰਚਾਰ ਸੁਣ ਕੇ ਪੈਂਦੀ ਸਾਡੇ ਹੈ ਦਿਲਾਂ ਵਿੱਚ ਚੀਸ ਪਿਆਰੇ।
ਗਾਡੀ ਰਾਹ ਬਣਾਉਂਦਾ ਹੈ ਕੋਈ ਵਿਰਲਾ, ਬਾਕੀ ਤੁਰਨ ਲੋਕੀਂ ਰੀਸੋ ਰੀਸ ਪਿਆਰੇ।
ਮਿਲੇ ਮਸ਼ਵਰਾ ਮੁਫਤ ਤਾਂ ਲੈ ਲਈਏ ਲੱਗੇ ਮਸ਼ਵਰੇ ਦੀ ਇੱਥੇ ਫੀਸ ਪਿਆਰੇ।
ਐਵੇਂ ਬਾਰਿਸ਼ ਨੂੰ...
ਐਵੇਂ ਬਾਰਿਸ਼ ਨੂੰ ਬੈਠਾ ਉਡੀਕੀ ਨਾ ਜਾਹ, ਸੁੱਕਪਕੇ 'ਚ ਹੀ ਦਰਿਆ ਉਛਲ ਜਾਏਗਾ।
ਦਾਜ ਲੈਣਾ ਜੇ ਪਹਿਲਾਂ ਕਰੇਂ ਬੰਦ ਤੂੰ ਇੰਜ ਮਸਲਾ ਇਹ ਖੁਦ ਹੀ ਹੋ ਹੱਲ ਜਾਏਗਾ।
ਜ਼ਮਾਨਾ ਬਦਲਣ ਦੀ ਜੇ ਤੇਰੇ ਵਿੱਚ ਖਾਹਿਸ਼ ਹੈ ਤਾਂ ਇਹ ਇਰਾਦਾ ਤੇਰਾ ਹੋ ਸਫਲ ਜਾਏਗਾ।
ਆਪਣੇ ਆਪ ਨੂੰ ਹੀ ਜੇ ਬਦਲ ਦੇਵੇਂ ਤਾਂ ਤੂੰ ਇਹ ਖੁਦ ਹੀ ਜ਼ਮਾਨਾ ਬਦਲ ਜਾਏਗਾ।
ਜਿੱਤ ਘਿਰਣਾ ਤਾਈਂ...
ਜਿੱਤ ਘਿਰਣਾ ਤਾਈਂ ਹੈ ਜਨਮ ਦਿੰਦੀ, ਹਾਰੇ ਹੋਏ ਮਨੁੱਖ ਨਾ ਸੌਣ ਅਕਸਰ।
ਬੰਦੇ ਆਲਸੀ ਦੋਸ਼ ਅਸਫਲਤਾ ਦਾ, ਕਿਸਮਤਾਂ ਦੇ ਉੱਪਰ ਹੀ ਲਾਉਣ ਅਕਸਰ।
ਜਿਹੜੇ ਸਫਲਤਾ ਲਈ ਪੂਰੇ ਜਤਨ ਕਰਦੇ, ਉਹ ਅਸਫਲਤਾ ਦੇ ਤਾਈਂ ਢਾਹੁਣ ਅਕਸਰ।
ਯਾਰੀ ਉਨ੍ਹਾਂ ਦੀ ਸਿਰੇ ਨਹੀਂ ਚੜ੍ਹ ਸਕਦੀ, ਜਿਹੜੇ ਯਾਰ ਦੇ ਤਾਈਂ ਅਜ਼ਮਾਉਣ ਅਕਸਰ।
ਦਾਰੂ ਬੰਦੇ ਨੂੰ....
ਦਾਰੂ ਬੰਦੇ ਨੂੰ ਕਰ ਬੇਸ਼ਰਮ ਦਿੰਦੀ ਉਹ ਮੰਨਦਾ ਮੂਲ ਨਾ ਸੰਗ ਪੀਕੇ।
ਹਰਟ ਫੇਲ੍ਹ ਹੋ ਜਾਣ ਸ਼ਰਾਬੀਆਂ ਦੇ ਜਾਂ ਫਿਰ ਹੁੰਦਾ ਹੈ ਆਮ ਅਧਰੰਗ ਪੀ ਕੇ।
ਯਾਦਸ਼ਕਤੀ ਬੰਦੇ ਦੀ ਗੁੰਮ ਹੁੰਦੀ ਭੁੱਲ ਜਾਂਦੇ ਨੇ ਸਾਰੇ ਪਰਸੰਗ ਪੀ ਕੇ।
ਕੀਤੀ ਸਿਫਤ ਸ਼ਰਾਬ ਦੀ ਸ਼ਾਇਰਾਂ ਨੇ ਐਵੇਂ ਕਰ ਗਏ ਕਿਤੇ ਮਲੰਗ ਪੀ ਕੇ।
ਦਾਰੂ ਪੀਣ ਦਾ...
ਦਾਰੂ ਪੀਣ ਦਾ ਬੁਰਾ ਅੰਜ਼ਾਮ ਹੁੰਦੈ, ਅਸੀਂ ਦੇਖੀ ਹੈ ਕਈ ਡਰੰਮ ਪੀ ਕੇ।
ਰੂੜੀ ਮਾਰਕਾ, ਸੰਤਰਾ, ਸੌਂਫੀਆ ਵੀ ਦੇਖੀ ਵਿਸਕੀ, ਸਕਾਚ ਤੇ ਰੰਮ ਪੀ ਕੇ
ਭਾਵੇਂ ਹੁੰਦਾ ਸ਼ਰਾਬੀ ਅਸਮਾਨ ਚੜ੍ਹਿਆ, ਡਿੱਗੂ ਨਾਲੀ ਦੇ ਵਿੱਚ ਧੜੰਮ ਪੀਕੇ।
ਜਿਹੜਾ ਸੋਫੀ ਨਾ ਕਦੇ ਵੀ ਕਰ ਸਕਦਾ, ਪੁੱਠੇ ਕਰੇ ਬੰਦਾ ਉਹੀਓ ਕੰਮ ਪੀ ਕੇ।
ਦਾਰੂ. ਚੰਦਰੀ ਕਦੇ...
ਦਾਰੂ ਚੰਦਰੀ ਕਦੇ ਵੀ ਮੁਕਦੀ ਨਾ, ਬੰਦੇ ਪੀਂਦਿਆਂ ਪੀਂਦਿਆਂ ਮੁੱਕ ਜਾਂਦੇ।
ਇਹ ਰੰਗਲੇ ਪੈੱਗ ਸ਼ਰਾਬ ਦੇ ਨੇ ਸਾਹ ਸਾਡਿਆਂ ਦਾ ਡੰਡਾ ਡੁੱਕ ਜਾਂਦੇ।
ਸਮਿਆਂ ਦੇ ਇਹ ਬੜੇ ਬੇਰਹਿਮ ਤੋਤੇ ਬੇਰ ਜਿੰਦ ਦੀ ਬੇਰੀ ਤੋਂ ਟੁੱਕ ਜਾਂਦੇ।
ਸਾਡੇ ਖੇਤ ਹਰਿਆਵਲੇ ਸੁਪਨਿਆਂ ਦੇ ਖੁਦ ਸਿਰਜੀ ਔੜ ਥੀਂ ਸੁੱਕ ਜਾਂਦੇ।
ਲਾਲ, ਕਾਲੀਆਂ ਬੋਤਲਾਂਲਾਲ, ਕਾਲੀਆਂ ਬੋਤਲਾਂ ਵਿੱਚ ਸਾਡੀ ਪਈ ਰੁੱਤ ਜਵਾਨੀ ਦੀ ਬੰਦ ਹਾਏ!
ਚੰਦ ਪਲਾਂ ਵਿੱਚ ਚੰਦ 'ਤੇ ਪਹੁੰਚਦੇ ਸਾਂ, ਪੀ ਕੇ ਚਾੜ੍ਹੇ ਨੇ ਬੜੇ ਹੀ ਚੰਦ ਹਾਏ!
ਦਾਰੂ ਲੱਥੀਂ ਤੋਂ ਬੰਦਾ ਹੈ ਬੁਝ ਜਾਂਦਾ, ਪੀ ਕੇ ਔੜਦੇ ਨੇ ਬੜੇ ਨੇ ਸ਼ੰਦ ਹਾਏ!
ਨਿੱਤ ਪੀਣ ਵਾਲਾ ਡਰ ਕੇ ਸੋਚਦਾ ਹੈ, ਪੀਣ ਲੱਗੇ ਨਾ ਮੇਰਾ ਫਰਜ਼ੰਦ ਹਾਏ!
ਲੰਮੇ ਸਮੇਂ ਦੇ....
ਲੰਮੇ ਸਮੇਂ ਦੇ ਲਈ ਹੈ ਬੜੀ ਘਾਤਕ, ਥੋੜ੍ਹੇ ਸਮੇਂ ਲਈ ਦਿੰਦੀ ਆਨੰਦ ਹਾਏ!
ਦਾਰੂ ਕੌੜੀ ਦਾ ਜੋ ਸ਼ੌਕੀਨ ਬਣਦਾ, ਚੰਗੀ ਲੱਗੇ ਨਾ ਉਹਨੂੰ ਗੁਲਕੰਦ ਹਾਏ!
ਪੀ ਕੇ ਆਦਮੀ ਖੁਦ ਨੂੰ ਸਮਝਦਾ ਹੈ, ਵੱਡਾ ਦੁਨੀਆਂ ਦਾ ਅਕਲਮੰਦ ਹਾਏ!
ਦਾਰੂ ਚੁੱਪ ਤੇ ਸਿਆਣਪ ਦਾ ਕਤਲ ਕਰਦੀ, ਰਹਿਣ ਅੰਦਰਲੇ ਦਰ ਨਾ ਬੰਦ ਹਾਏ!
ਦਾਰੂ ਪੀਣ ਦੀ....
ਦਾਰੂ ਪੀਣ ਦੀ ਆਦਤ ਹੈ ਨਹੀਂ ਛੁੱਟਦੀ, ਚੰਗੀ ਗੱਲ ਹੈ ਆਦਤ ਇਹ ਪਵੇ ਹੀ ਨਾ।
ਸਿਆਣਾ ਆਦਮੀ ਕੋਲ ਸ਼ਰਾਬੀਆਂ ਦੇ ਹਾਸੇ ਭਾਣੇ ਵੀ ਭੁੱਲ ਕੇ ਬਵ੍ਹੇ ਹੀ ਨਾ।
ਜਿਹੜੇ ਪੰਗੇ ਨੇ ਘਰ ਉਜਾੜ ਦੇਣੈ, ਉਹ ਪੰਗਾ ਫਿਰ ਆਦਮੀ ਲਵੇ ਹੀ ਨਾ।
ਗੱਲ ਸਹੇ ਦੀ ਨਹੀਂ ਗੱਲ ਪਹੇ ਦੀ ਹੈ, ਵਾੜ ਕਰੇ, ਸਹਾ ਲੰਘਣ ਦਵੇ ਹੀ ਨਾ।
ਵਿੱਤ ਨਾਲੋਂ ਜੋ...
ਵਿੱਤ ਨਾਲੋਂ ਜੋ ਦੌੜਦੇ ਤੇਜ਼ ਬਹੁਤਾ, ਮੂਧੇ ਮੂੰਹ ਉਹ ਡਿੱਗ ਅਖੀਰ ਪੈਂਦੇ।
ਜਾਣਾ ਲੋਚਦਾਂ ਪਿਆਰ ਦੀ ਰੂਹ ਤੀਕਰ, ਰਾਹ ਵਿੱਚ ਨੇ ਕਈ ਸਰੀਰ ਪੈਂਦੇ।
ਜਿੱਥੇ ਕਾਮ ਤ੍ਰਿਪਤੀ ਹੈ ਹੁੰਦੀ, ਉੱਥੇ ਮੋਹ ਦੇ ਉੱਗ ਖ਼ਮੀਰ ਪੈਂਦੇ।
ਇਨ੍ਹਾਂ ਮੰਗਤੇ ਬਣ ਕੇ ਬਹੁੜਨੈ ਫਿਰ ਅੱਜ ਮਖਮਲਾਂ ਉੱਤੇ ਜੋ ਵਜ਼ੀਰ ਪੈਂਦੇ।
No comments:
Post a Comment