ਹਰਮਨਪ੍ਰੀਤ ਢਿੱਲੋਂ
ਹੁਣ ਮੇਰੇ ਪਾਪਾ ਨੇ ਸ਼ਰਾਬ ਛੱਡ 'ਤੀ।
ਚੀਜ਼ ਸੀ ਇਹ ਬੜੀ ਹੀ ਖਰਾਬ ਛੱਡ 'ਤੀ।
ਅਸੀਂ ਰੋਜ਼ ਉਨ•ਾਂ ਨੂੰ ਪਾਉਂਦੇ ਸੀ ਵਾਸਤੇ।
ਜਿਉਂਦੇ ਤੁਸੀਂ ਕਿਉਂ ਹੋ ਇਸ ਝੂਠੀ ਆਸ 'ਤੇ।
Ðਰੁਸਣ ਦੀ ਆਦਤ ਜਨਾਬ ਛੱਡ 'ਤੀ. .
ਹੁਣ ਮੇਰੇ..
ਨਾ ਉਹ ਗਏ ਸਿਰਸਾ ਤੇ ਨਾ ਬਿਆਸ ਜੀ।
ਇੱਛਾ ਸ਼ਕਤੀ ਨੇ ਕੀਤਾ ਕੰਮ ਰਾਸ ਜੀ।
ਆ ਗਿਆ ਹੈ ਘਰੇ ਇਨਕਲਾਬ ਛੱਡ 'ਤੀ, ਹੁਣ ਮੇਰੇ..
ਚੰਦਰਾ ਇਹ ਰੋਗ ਸੀ ਸਹੇੜ ਲੀਤਾ ਜੀ।
ਬੜੀ ਦੇਰ ਸਮੇਂ ਦਾ ਕਤਲ ਕੀਤਾ ਜੀ।
ਪੀਂਦੇ ਰਹੇ ਬਹੁਤ ਬੇ-ਹਿਸਾਬ ਛੱਡ'ਤੀ। ਹੁਣ ਮੇਰੇ..
ਵਿਸਕੀ, ਸੰਤਰਾ ਤੇ ਦਾਰੂ ਘਰ ਦੀ।
ਇਹਨੂੰ ਪੀਣ ਸਾਰ ਸੀ ਅਕਲ ਮਰਦੀ।
ਜਿੰਨ, ਰਮ, ਸੌਫੀਆ, ਗੁਲਾਬ ਛੱਡਤੀ। ਹੁਣ ਮੇਰੇ…. . .
ਛੱਡਣ ਨੂੰ ਫਿਰਦੇ ਸੀ ਬਹੁਤ ਚਿਰਦੇ।
ਦੋਸਤ ਸ਼ਰਾਬੀ ਬਹੁਤੇ ਸੀ ਚੁਗਿਰਦੇ।
ਸਾਰਿਆਂ ਦਾ ਚੁੱਕਤਾ ਦਬਾਬ ਛੱਡ 'ਤੀ, ਹੁਣ ਮੇਰੇ..
ਮੰਤਰੀਆਂ ਨਾਲ ਵੀ ਲੈਂਦੇ ਪੰਗੇ ਸੀ।
ਬਿਨਾ ਪੀਂਤੇ ਹੁਣ ਰਹਿੰਦੇ ਬਹੁਤ ਚੰਗੇ ਜੀ।
ਹੁਣ ਇਹਦਾ ਲੈਂਦੇ ਵੀ ਨਹੀਂ ਖਾਬ ਛੱਡ 'ਤੀ। ਹੁਣ ਮੇਰੇ . .
ਸਾਡਾ ਲੋਕਾਂ ਸਾਹਮਣੇ ਇਹ ਦਾਅਵਾ ਕਾਹਦਾ ਹੈ।
ਇਹ ਤਾਂ ਲੋੜ ਆਪਣੀ ਦਿਖਾਵਾ ਕਾਹਦਾ ਹੈ।
ਹੋਣਗੇ ਜ਼ਰੂਰ ਕਾਮਯਾਬ ਛੱਡ 'ਤੀ।
ਹੁਣ ਮੇਰੇ ਪਾਪਾ ਨੇ ਸ਼ਰਾਬ ਛੱਡ 'ਤੀ।
No comments:
Post a Comment