ਪਾਣੀ ਨਾਲ ਪਾਣੀ ਲਿਖਣਾ ਗ਼ਜ਼ਲ

ਂਂਂਂਂਂਂਂਂਂਂਂਂਂਂਂਂਂਂਂਂਂਂਪਾਣੀ ਨਾਲ ਪਾਣੀ ਲਿਖਣਾ
ਗ਼ਜ਼ਲ
ਕਿੰਨਾ ਮੁਸ਼ਕਿਲ ਹੈ ਮੁੱਹਬਤ ਦੀ ਕਹਾਣੀ ਲਿਖਣਾ।
ਜਿਉਂ ਪਾਣੀ ਉਤੇ ਪਾਣੀ ਨਾਲ ਹੈ ਪਾਣੀ ਲਿਖਣਾ।
ਅੰਬਰੀ ਪੀਂਘ ਦਾ ਝੂਟਾ ਜਦ ਵੀ ਚੇਤੇ ਆਵੇ ਤਾਂ
ਚੰਚਲ , ਸੋਹਲ , ਰੁੱਤ ਕੋਈ ਮਰਜਾਣੀ ਲਿਖਣਾ ।
ਅੱਖਾਂ ਵਿੱਚ ਨਾ ਆਉਣ ਦੇਣੇ ਸ਼ਬਨਮ ਦੇ ਤੁਪਕੇ
ਜਦ ਵੀ ਕੋਈ ਆਪਣੀ ਯਾਦ ਪੁਰਾਣੀ ਲਿਖਣਾ।
ਤਪਦੇ ਸਿਖਰ ਦੁਪਿਹਰੇ ਦੀ ਛਾਂ ਚੇਤੇ ਕਰ ਕਰ
ਰੁੱਖਾਂ ਦੇ ਪੱਤਿਆਂ 'ਤੇ ਇੱਕ ਕਹਾਣੀ ਲਿਖਣਾ।
ਜਿਸਮਾ ਦੀ ਭੁੱਖ ਤਕ ਸੀਮਤ ਹੁਣ ਹੀਰਾਂ ਰਾਂਝੇ
ਐਂਵੇ ਨਾ ਇਹਨਾ ਨੂੰ ਰੂਹ ਦੇ ਹਾਣੀ ਲਿਖਣਾ।
ਜਿਸਦੀ ਮਹਿਕ ਦਿਨੇ ਵੀ ਅੰਗ ਸੰਗ ਰਹਿੰਦੀ ਸੀ
ਏਦਾਂ ਦੀ ਵੀ ਸੀ ਇੱਕ ਰਾਤ ਦੀ ਰਾਣੀ ਲਿਖਣਾ।
ਮੇਰੀ ਬਰਬਾਦੀ ਲਈ ਅਕਸਰ ਯਾਦ ਹੈ ਆਉਂਦੀ
ਉਹ ਸੂਰਤ ਵੀ ਸੀ ਜਾਣੀ ਪਹਿਚਾਣੀ ਲਿਖਣਾ।
ਜੀਵਨ ਦੇ ਹਰ ਪਲ ਦਾ ਲਿਆ ਹੈ ਅਸਾਂ ਅਨੰਦ
ਢਿੱਲੋਂ ਇਹ ਜ਼ਿੰਦਗੀ ਰੱਜ ਰੱਜ ਕੇ ਮਾਣੀ ਲਿਖਣਾ। ਂਂ
ਂਂਂਂਂਂਂਂਂ 2
ਆਪਣੀ ਕਲਮ ਤੋਂ ਸਦਾ ਹੀ ਗੱਲ ਸਿਆਣੀ ਲਿਖਣਾ।
ਖੁਸ਼ੀ ਤੇ ਪੀੜ ਇਹ ਦੋਵੇਂ ਹੀ ਆਉਣੀ ਜਾਣੀ ਲਿਖਣੀ।
ਥਾਂ ਥਾਂ ਉਤੇ ਹੀ ਮੱਚਦੇ ਰਹਿਣੇ ਨੇ ਰੋਹ ਦੇ ਇਹ ਭਾਂਬੜ
ਜਿੰਨਾ ਚਿਰ ਇਸ ਮੁਲਕ ਚ ਹੈ ਵੰਡ ਕਾਣੀ ਲਿਖਣਾ।
ਚਿੱਟੇ ਬਗਲੇ, ਨੀਲੇ ਮੋਰ ,ਲਾਲ ਸੰਤਰੀ ,ਭਗਵੇਂ ਤਿੱਤਰ
ਇਹਨਾ ਮਦਾਰੀਆਂ ਪਾਣੀ ਵਿੱਚ ਮਧਾਣੀ ਰੱਖਣਾ।
ਲੋਕ ਗਵਾ ਕੇ ਜੋ ਪਰਲੋਕ ਸੁਧਾਰਨ ਚੱਲੇ ਨੇ
ਇਹ ਹੈ ਭੇਡ ਚਾਲ ਖਸਮਾਂ ਨੂੰ ਖਾਣੀ ਲਿਖਣਾ।
ਮਕਰ,ਫ਼ਰੇਬ ਤੇ ਦੰਭ ,ਝੂਠ ਦਾ ਹੀ ਜਾਲ ਸੀ
ਸਾਧਾਂ ਡੇਰੇ ਖਾਕ ਬੜੀ ਹੈ ਛਾਣੀ ਲਿਖਣਾ।
ਜ਼ਿੰਦਗੀ ਵਾਰੇ ਇੱਕਤਰਫਾ ਫਤਵਾ ਨਾ ਦੇਣਾ
ਯਾਰੋ ਇਹ ਜ਼ਿੰਦਗੀ ਹੈ ਉਲਝੀ ਤਾਣੀ ਲਿਖਣਾ।
ਹਰੇ ਇੰਨਕਲਾਬ ਨੂੰ ਲੁੱਟ ਕੇ ਭਾਰਤ ਮਾਂ ਨੇ
ਕਿੰਜ ਮਧੋਲੀ ਪੰਜਾਬੀ ਕਿਰਸਾਣੀ ਲਿਖਣਾ।
ਧਨ ਕੁਬੇਰਾਂ ਦੀ ਧਰਤੀ ਹੈ ਦੇਸ਼ ਅਸਾਡਾ
ਪਰ ਹੈ ਪਰਜਾ ਸਾਹ ਸਤਹੀਣ ਨਿਤਾਣੀ ਲਿਖਣਾ।
ਬਾਬੇ ਦੀ ਰਬਾਬ ਦੀ ਥਾਂ ਚਿਮਟੇ ਖੜਤਾਲਾਂ ਅੱਜ
ਕਿਵੇਂ ਉਚਰਦੇ ਨੇ ਕੁਫਰ ਦੀ ਬਾਣੀ ਲਿਖਣਾ।
ਅਧਖਿੜੇ ਫੁੱਲਾਂ ਨੂੰ ਜੇ ਸੰਭਾਲ ਲਏ ਮਾਲੀ ਤਾਂ
ਢਿੱਲੋਂ ਫਿਰ ਇਹ ਪਤਝੜ ਦੀ ਰੁੱਤ ਜਾਣੀ ਲਿਖਣੀ।
ਂਂਂਂਂਂਂਂਂ
Converted from Satluj to