ਜੋ ਹੱਸ ਨਹੀਂ ਸਕਦਾ

ਜੋ ਹੱਸ ਨਹੀਂ ਸਕਦਾ,,,,
ਉਸਦੇ ਸਿਰ 'ਤੇ ਭਾਰ ਹੈ ਜੋ ਹੱਸ ਨਹੀਂ ਸਕਦਾ।
ਜਾਂ ਉਹ ਕੱਢਦਾ ਧਾਰ ਹੈ ਜੋ ਹੱਸ ਨਹੀਂ ਸਕਦਾ।
ਉਹ ਮੋਟਾ ਸ਼ਾਹੂਕਾਰ ਹੈ ਜੋ ਹੱਸ ਨਹੀਂ ਸਕਦਾ
ਜਾਂ ਮੂਲੋਂ ਹੀ ਲਾਚਾਰ ਹੈ ਜੋ ਹੱਸ ਨਹੀਂ ਸਕਦਾ।
Àਸਦੇ ਸਿਰ 'ਤੇ ਭਾਰ ਹੈ ਜੋ ਹੱਸ ਨਹੀਂ ਸਕਦਾ।
ਪੀਲਾ ਪੱਤਰਕਾਰ ਹੈ ਜੋ ਹੱਸ ਨਹੀਂ ਸਕਦਾ।
ਜਾਂ ਤਾਂ ਖ਼ਬਰਾਂ ਦਾ ਮਧੋਲਿਆ ਹੋਇਆ ਹੈ
ਜਾਂ ਲਭਦਾ ਇਸ਼ਤਿਹਾਰ ਹੈ ਜੋ ਹੱਸ ਨਹੀਂ ਸਕਦਾ।
ਐਮ ਏ ਕਰ ਕੇ ਵੀ ਸਹਿਕਾਰੀ ਸਭਾ ਦੇ ਸਭਾ ਦੇ ਵਿੱਚ
ਲਗਾ ਸੇਵਾਦਾਰ ਹੈ ਸੇਵਾਦਾਰ ਹੈ ਜੋ ਹੱਸ ਨਹੀਂ ਸਕਦਾ।
ਰਾਤੀਂ ਦਾਰੂ ਪੀ ਕੇ ਬਹੁਤਾ ਹੱਸਿਆ ਹੈ
ਹੋਇਆ ਦਿਨੇ ਬੀਮਾਰ ਹੈ ਜੋ ਹੱਸ ਨਹੀਂ ਸਕਦਾ।
ਗਦੀਓਂ ਲੱਥੇ ਵਜ਼ੀਰ ਦੇ ਜ਼ਿਹਨ ਚ ਘੁੰਮ ਰਹੀ
ਝੰਡੀ ਵਾਲੀ ਕਾਰ ਹੈ ਜੋ ਹੱਸ ਨਹੀਂ ਸਕਦਾ।
ਢਿੱਲੋਂ ਵਰਗੇ ਦੀਵਾਨੇ ਹੀ ਹੱਸਦੇ ਨੇ
ਦੁੱਖੀਆ ਸੱਭ ਸੰਸਾਰ ਹੈ ਜੋ ਹੱਸ ਨਹੀਂ ਸਕਦਾ।
ਂਂਂਂਂਂਂਂ
ਮਿਹਦਾ ਠੀਕ ਨਹੀਂ
ਕਿੱਦਾਂ ਹੱਸਣ ਲੋਕ ਕਿ ਮਿਹਦਾ ਠੀਕ ਨਹੀਂ।
ਹੋ ਗਏ ਨੇ ਡਰਪੋਕ ਕਿ ਮਿਹਦਾ ਠੀਕ ਨਹੀਂ।
ਮੀਂਹ, ਸੋਕਾ,ਗਰਮੀ ,ਸਰਦੀ ਹਰ ਮੌਸਮ ਦਾ
ਰਹਿਣ ਮਨਾਉਂਦੇ ਸ਼ੋਕ ਕਿ ਮਿਹਦਾ ਠੀਕ ਨਹੀਂ।
ਕਿਸੇ ਦੀ ਗੱਲ ਪਰਚੂਨ ਚ ਵੀ ਨਾ ਸੁਣ ਸਕਦੇ
ਪਰ ਖ਼ੁਦ ਬੋਲਣ ਥੋਕ ਕਿ ਮਿਹਦਾ ਠੀਕ ਨਹੀਂ।
ਬੋਲਣ ਲੱਗੇ ਖੋਲ•ਣ ਪੰਡ ਵਿਚਾਰਾਂ ਦੀ
ਜਿੱਦਾਂ ਮਿਆਂਕਣ ਬੋਕ ਕਿ ਮਿਹਦਾ ਠੀਕ ਨਹੀਂ।
ਪੌ ਸ਼ਰਾਬ ਦਾ ਲੱਗਿਆ ਦੇਖ ਕੇ ਰੁੱਕ ਜਾਂਦੇ
ਕਰ ਲੈਂਦੇ ਲੇ ਓਕ ਕਿ ਮਿਹਦਾ ਠੀਕ ਨਹੀਂ।
ਗੰਦੀਆਂ ਗੱੱਲਾਂ ਤੇ ਅਸ਼ਲੀਲ ਲਤੀਫਿਆਂ ਨੂੰ
ਅਕਸਰ ਕਹਿਣ ਸਲੋਕ ਕਿ ਮਿਹਦਾ ਠੀਕ ਨਹੀਂ।
ਇਸ ਧਰਤੀ ਨੂੰ ਗੰਦਾ ਕਰਦੇ ਰਹਿੰਦੇ ਨੇ
ਯਾਦ ਰੱਖਣ ਪਰਲੋਕ ਕਿ ਮਿਹਦਾ ਠੀਕ ਨਹੀਂ।
ਜਬਰ ਜ਼ੁਲਮ ਦੇ ਉਲਟ ਬੋਲਣਾ ਪੈਜੇ ਜੇ
ਖੜ•ੇ ਹੀ ਮਾਰਨ ਮੋਕ ਕਿ ਮਿਹਦਾ ਠੀਕ ਨਹੀਂ।
ਕਦੇ ਕਿਸੇ ਦੀ ਗੱਲ ਵੀ ਪੂਰੀ ਸੁਣਦੇ ਨਾ
ਵਿੱਚੋਂ ਦੇਵਣ ਟੋਕ ਕਿ ਮਿਹਦਾ ਠੀਕ ਨਹੀਂ।
ਢਿੱਲੋਂ ਤੇਰੀਆਂ ਗੱਲਾਂ ਤਾਂ ਵਿਦਵਾਨਾ ਲਈ
ਐਂਵੇ ਹੀ ਨੇ ਫੋਕ ਕਿ ਮਿਹਦਾ ਠੀਕ ਨਹੀਂ।
Converted