ਥੋੜਾ ਜਿਹਾ ਰੱਖ ਲੈ ਮੁਲੰਮਾ 6- 4 –12

ਥੋੜਾ ਜਿਹਾ ਰੱਖ ਲੈ ਮੁਲੰਮਾ 6- 4 –12
ਥੋੜਾ ਜਿਹਾ ਰੱਖ ਲੈ ਮੁਲੰਮਾ ਤਾਂ ਜ਼ੁਬਾਨ ਵਿਚ ਝੂਠੇ ਤਾਈਂ ਝੂਠਾ ਆਖ ਦੇਣਾ ਸਦਾਚਾਰ ਹੈ ਨਹੀਂ।
ਭਾਰਤ ਨੂੰ ਦੇਖ ਹੈ ਯਕੀਨ ਹੁੰਦਾ ਰੱਬ ਉਤੇ ਦੇਖੋ ਚੱਲੀ ਜਾਂਦੈ ਦੇਸ਼ ਭਾਵੇਂ ਕੋਈ ਸਰਕਾਰ ਹੈ ਨਹੀਂ।
ਬੇਮੁਹਾਰਾ ਹੋਇਆ ਫਿਰੇ ਬੋਤਾ ਲੋਕ ਰਾਜ ਦਾ ਜੀ ਕਿਸੇ ਦੇ ਵੀ ਹੱਥ ਵਿਚ ਇਸਦੀ ਮੁਹਾਰ ਹੈ ਨਹੀਂ।
ਲੂਣ , ਤੇਲ , ਲੱਕੜਾਂ ਹੀ ਹਾਵੀ ਹੁਣ ਦਿਮਾਗ ਉਤੇ ਸਾਡੇ ਕੋਲ ਦਿਲ ਤਾਂ ਹੈ ਪਰ ਦਿਲਦਾਰ ਹੈ ਨਹੀਂ।
---
ਉਸ ਲੱਤੋਂ ਆਹਰੀ ਬੰਦੇ ਤਾਈਂ ਯਾਰੋ ਆਖੀਏ ਕੀ ਜਿਸ ਤਾਈਂ ਲਗਦੇ ਨਚਾਰ ਮੂਲ ਚੰਗੇ ਨਾ ।
ਬੁੱਢਾ ਸੱਪ ਆਪਣੀ ਜੋ ਕੁੰਜ ਤਾਂ ਲਾਹ ਸਕਦਾ ਨਹੀਂ ਦੂਜਿਆਂ ਨੂੰ ਆਖਦਾ ਨਿਲੱਜ ਮੂਲ ਸੰਗੇ ਨਾ।
ਜਿਸ ਬਲਦ ਦਾ ਪਿਆਰ ਆਪਣੀ ਪੰਜਾਲੀ ਨਾਲ ਭੁਲ ਕੇ ਵੀ ਆਪਣੀ ਅਜ਼ਾਦੀ ਕਦੇ ਮੰਗੇ ਨਾ।
ਮੁੱਲ ਵੋਟਾਂ ਲੈਕੇ ਜਿਹੜਾ ਬਣਿਆ ਵਜ਼ੀਰ ਦੱਸੋ! ਮਾਇਆ ਦੀ ਨਦੀ 'ਚ ਫਿਰ ਕਿਵੇਂ ਹੱਥ ਰੰਗੇ ਨਾ।
---
ਕਹਿੰਦਾ ਵਾਰਸ ਸ਼ਾਹ ਜਾਣ ਆਦਤਾਂ ਪੁਰਾਣੀਆਂ ਨਾ ਰੱਖ ਦਿੰਦੇ ਲੋਕ ਭਾਵੇਂ ਕੱਟ ਕੱਟ ਪੋਰੀਆਂ ।
ਹੱਥਾਂ ਵਿਚ ਫੜ• ਕੇ ਸਿਮਰਣੇ ਮਸਤ ਹੋਏ ਡੇਰਿਆਂ 'ਚ ਸ਼ਰੇਆਮ ਠੱਗ ਕਰੀ ਜਾਂਦੇ ਠਗੀ ਠੋਰੀਆਂ।
ਅੰਧਵਿਸ਼ਵਾਸ਼ ਅਸ਼ਲੀਲਤਾ ਫੈਲਾਈ ਜਾਣ ਜਾਣਦੀਆਂ ਨੇ ਸਰਕਾਰਾਂ ਅਸਾਂ ਦੀਆਂ ਕਮਜੋਰੀਆਂ।
ਭਾਈਆਂ ਤਾਈਂ ਭਾਈਆਂ 'ਤੇ ਰਿਹਾ ਵਿਸ਼ਵਾਸ਼ ਹੈ ਨਾ ਕੇਹੀਆਂ ਇਹ ਰੁੱਤਾਂ ਬਦਲਿਆਂਖੋਰੀਆਂ।