ਕਾਮਰੇਡ ਹੈ ਵਿਗੜ ਕੇ ਸਾਧ ਬਣਦਾ-----31-3-12

ਕਾਮਰੇਡ ਹੈ ਵਿਗੜ ਕੇ ਸਾਧ ਬਣਦਾ-----31-3-12
ਵਿਗੜੀ ਮੱਝ ਨਾ ਦੁੱਧ ਦੀ ਤਿਪ ਦੇਵੇ ਅਤੇ ਖਲ ਪੱਠਿਆਂ ਦਾ ਕਰੇ ਨਾਸ ਬਹੁਤਾ ।
ਸਰਪੰਚ ਵਿਗੜ ਕੇ ਹੈ ਟਾਊਟ ਬਣਦਾ ਇਹੀਓ ਆਉਂਦਾ ਹੈ ਪੁਲਿਸ ਨੂੰ ਰਾਸ ਬਹੁਤਾ।
ਮੁੰਡਾ ਵਿਗੜ ਕੇ ਲਗਦਾ ਲਾਉਣ ਜਰਦਾ ਬੁੜਾ ਵਿਗੜ ਕੇ ਕਰੇ ਬਕਵਾਸ ਬਹੁਤਾ।
ਕਾਮਰੇਡ ਹੈ ਵਿਗੜ ਕੇ ਸਾਧ ਬਣਦਾ ਅਤੇ ਸਾਧ ਵਿਗੜ ਕੇ ਬਣੇ ਬਦਮਾਸ਼ ਬਹੁਤਾ ।
--
ਜੁੰਮੇਵਾਰੀ ਸਮਾਨ ਦੀ ਖੁਦ ਹੁੰਦੀ ਇਹ ਪਤਾ ਲਗਾ ਨਹੀਂ ਅਜੇ ਸਵਾਰੀਆਂ ਨੂੰ।
ਲਾਂਘੇ ਘਰਾਂ ਦੇ ਲੰਘਣੇ ਹੋਏ ਬਹੁਤ ਔਖੇ ਹੁਣ ਛੱਡ ਦੇਈਏ ਵੈਲਦਾਰੀਆਂ ਨੂੰ।
ਭੁੱਖ ਕੁਰਸੀ ਦੀ ਹੈ ਲੈ ਗਈ ਕਿਥੇ ਦੋਖੋ ਸਿਆਸਤ ਦੇ ਇਹਨਾਂ ਜੁਆਰੀਆਂ ਨੂੰ।
ਥੋਡੀ ਖੇਡ ਨੇ ਸਭ ਬੱਚੇ ਵਿਗਾੜ ਦਿੱਤੇ ਜਾ ਕੇ ਦਸੋ ਸਿਆਸੀ ਮਦਾਰੀਆਂ ਨੂੰ।
---
ਵੱਤਰ ਹੋਵੇ ਜੇ ਧਰਤ ਤਾਂ ਉਗ ਪੈਂਦਾ ਹਰ ਬੀਜ ਵਿਚ ਛੁਪਿਆ ਰੁੱਖ ਹੁੰਦਾ ।
ਸਾਰੀ ਉਮਰ ਹੀ ਦੇਵੇ ਜੋ ਸਾਥ ਸਾਡਾ ਇਹੋ ਜਿਹਾ ਨਾ ਕੋਈ ਵੀ ਸੁੱਖ ਹੁੰਦਾ।
ਦੁੱਖ ਦਾਰੂ ਬਣ ਜਾਂਦਾ ਹੈ ਆਦਮੀ ਜਦ ਸ਼ਾਮਿਲ ਕਿਸੇ ਦੇ ਹੈ ਵਿਚ ਦੁੱਖ ਹੁੰਦਾ।
ਆਓ ਮੱਚੀਏ ਬਣ ਕੇ ਲਾਟ ਸੂਹੀ ਸਾਰੀ ਉਮਰ ਹੀ ਨਹੀਂ ਦੋਸਤੋ ਧੁੱਖ ਹੁੰਦਾ।
--
ਜਿਥੇ ਹਮ ਖਿਆਲ ਦੋ ਮਿਲ ਬੈਠਣ ਯਾਰੋ ਉਹੀਓ ਹੈ ਗ਼ਨੀਮਤੀ ਘੜੀ ਹੁੰਦੀ।
ਮੁਰਦਾ ਸਮਾਂ ਕਦੇ ਇੰਜ ਆਂਵਦਾ ਹੈ ਚਲਦੀ ਘੜੀ ਵੀ ਲਗਦੀ ਖੜ•ੀ ਹੁੰਦੀ।
ਜਿੱਤ ਘ੍ਰਿਣਾ ਤਾਈਂ ਹੈ ਜਨਮ ਦਿੰਦੀ ਹਾਰਨ ਵਾਲੇ ਨੂੰ ਪੀੜ ਹੈ ਬੜੀ ਹੁੰਦੀ ।
ਜਿਤ ਹਾਰ ਤੋਂ ਉਤੇ ਹਮੇਸ਼ ਰਹਿੰਦਾ ਪੁਸਤਕ ਜ਼ਿੰਦਗੀ ਦੀ ਜੀਹਨੇ ਪੜ•ੀ ਹੁੰਦੀ।
----
ਹੀਰ ਆਖਦੀ ਜੋਗੀਆ ਝੂਠ ਬੋਲੇਂ ਇਥੇ ਹੁੰਦੀ ਲੋਕਾਂ ਦੀ ਸਦਾ ਦੁਰਗਤ ਹੈ ਵੇ।
ਲਹੂ ਕਿਰਤੀਆਂ ਦਾ ਲੋਟੂ ਨੇ ਰੋਜ ਪੀਂਦੇ ਅੰਨਦਾਤੇ ਵਿਚ ਸਾਹ ਨਾ ਸਤ ਹੈ ਵੇ।
ਕੁੱਲੀ ,ਗੁੱਲੀ ਦਾ ਫਿਕਰ ਹੈ ਰੋਜ ਸਾਨੂੰ ਸਾਡੇ ਸਿਰ ਉਤੇ ਅੰਬਰ ਦੀ ਛੱਤ ਹੈ ਵੇ।
ਪੂਣੀ ਜ਼ਿੰਦ ਦੀ ਹੈ ਗ਼ਮਾਂ ਦੇ ਨਾਲ ਭਿੱਜੀ ਹੁੰਦਾ ਸਾਹਾਂ ਦਾ ਸੂਤ ਨਾ ਕੱਤ ਹੈ ਵੇ।
----
ਚੰਗੀ ਸੋਚ ਵਾਲੇ ਆਪਣੇ ਮਨ ਅੰਦਰ ਵਹਿਮ ਭਰਮ ਜਿਹੇ ਪਾਲਦੇ ਨਹੀਂ ਹੁੰਦੇ।
ਮੱਖਣ ਨਿਕਲਦਾ ਹੈ ਚਾਟੀ ਦੁੱਧ ਦੀ 'ਚੋਂ ਐਂਵੇਂ ਪਾਣੀ ਹੰਗਾਲਦੇ ਨਹੀਂ ਹੁੰਦੇ ।
ਸਭ ਦੀ ਹੈ। ਆਪੋ ਆਪਣੀ ਸੋਚ ਹੁੰਦੀ ਸਾਰੇ ਹੀ ਆਪਣੇ ਨਾਲ ਦੇ ਨਹਂੀਂ ਹੁੰਦੇ।
ਸੋਚ ਉਹਨਾਂ ਦੀ ਵੀ ਹੈ ਹੋ ਕੰਗਾਲ ਜਾਂਦੀ ਯਾਦਾਂ ਜਿਹੜੇ ਸੰਭਾਲਦੇ ਨਹੀਂ ਹੁੰਦੇ।


























Converted from Satluj to