ਗ਼ਜ਼ਲ ..... ਮੇਰੇ ਸੂਖ਼ਮ ਭਾਵ ਤੇ ਰੀਝਾਂ

**ਗ਼ਜ਼ਲ
ਮੇਰੇ ਸੂਖ਼ਮ ਭਾਵ ਤੇ ਰੀਝਾਂ ਬੜੀਆਂ ਓਧਰ ਗਈਆਂ। ਆ ਜਾ ਤੇਰੇ ਇੰਤਜ਼ਾਰ ਵਿਚ ਨੇ ਘੜੀਆਂ ਓਦਰ ਗਈਆਂ।
ਮੀਂਹ ਦੀ ਰਿਮਝਿਮ ਪੰਛੀ ਚਹਿਕਣ ਫੁੱਲ ਟਹਿਕਣ ਹਰ ਪਾਸੇ,ਤੇਰੇ ਬਿਨ ਸਭ ਸਾਉਣ ਦੀਆਂ ਝੜੀਆਂ ਓਦਰ ਗਈਆਂ।
ਟਿਕ ਟਿਕੀ ਲਾ ਤੇਰੀ ਆਮਦ ਤਕ ਰਹੀਆਂ ਇਹ ਅੱਖੀਆਂ ਮੇਰੇ ਯਾਰਾ ਰਾਹ ਤੇਰੇ ਵਿਚ ਹੀ ਖੜ•ੀਆਂ ਓਦਰ ਗਈਆਂ।
ਫੁੱਲ ਤਿਤਲੀਆਂ ਦੀਆਂ ਮੂਰਤਾਂ ਮੈਂ ਕਮਰੇ ਵਿਚ ਸਜਾਈਆਂ ਪਰ ਤੇਰੇ ਦੇਖਣ ਬਿਨਾਂ ਫਰੇਮੀਂ ਜੜੀਆਂ ਓਦਰ ਗਈਆਂ।
ਜੋ ਗ਼ਜ਼ਲਾਂ, ਕਵਿਤਾਵਾਂ ਚੁਣ ਚੁਣ ਮੈਂ ਮਹਿਰਮ ਲਈ ਰਖੀਆਂ ਮਹਿਰਮ ਬਿਨਾਂ ਮਨ ਮੇਰੇ 'ਚ ਪੜ•ੀਆਂ ਓਦਰ ਗਈਆਂ।
ਸਿਆਸਤਦਾਨਾਂ ਦੇ ਸੁਣ ਸੁਣ ਝੂਠੇ ਰੋਜ ਰੋਜ ਦੇ ਵਾਅਦੇ ਸਾਡੇ ਖੇਤਾਂ ਵਿਚ ਹਰੀਆਂ ਫਸਲਾਂ ਖੜ•ੀਆਂ ਓਦਰ ਗਈਆਂ ।
ਦੇਖ ਦਿਖਾਵਾ ,ਸਵਾਰਥ, ਨਫ਼ਰਤ,ਆਪਣੇ ਚਹੁੰਪਾਸੀਂ ਫੈਲੀ ਮੇਰੇ ਪਿਆਰ ਦੀ ਕੁੱਲੀ, ਕਾਨੇ , ਕੜੀਆਂ ਓਦਰ ਗਈਆਂ।
ਹੁਣ ਨਾ ਸੁਪਨੇ ਉਗਣ ਇਸ ਵਿਚ ਮਾਰੂਥਲ ਮਨ ਹੋਇਆ ਖ਼ੁਸ਼ਬੂਦਾਰ ਸੱਜਣ ਬਿਨ ਸਭ ਫੁਲਝੜੀਆਂ ਓਦਰ ਗਈਆਂ।
'ਢਿੱਲੋਂ' ਸੁਪਨਸਾਜ਼ ਹੀ ਨਾ ਜਦ ਦੇਖਣ ਵਾਲਾ ਆਇਆ ਤਾਂ ਅੰਬਰ 'ਤੇ ਸਤਰੰਗੀਆਂ ਪੀਘਾਂ ਚੜ•ੀਆ ਓਦਰ ਗਈਆਂ।

ਅਮਰਜੀਤ ਢਿੱਲੋਂ
ਦਬੜ•ੀਖਾਨਾ ਵਾਇਆ ਬਾਜਾਖਾਨਾ ਪਿੰਨ ਕੋਡ 151205
http://amarjeetdabrikhana.blogspot.in/ bajakhanacity0gmail.com
94171-20427




Converted from