ਕੰਡਿਆਂ ਦਾ ਬੀਜ ਲੈ ਲਵੋ------ਅਮਰਜੀਤ ਢਿੱਲੋਂ ਦਬੜ•ੀਖਾਨਾ
ਕੰਡਿਆਂ ਦਾ ਬੀਜ ਲੈ ਲਵੋ ਕੰਡੇ ਖੇਤਾਂ ਵਿਚ ਬੀਜ ਦਿਓ ਚੁਫੇਰੇ।
ਖੋਹਣ ਲਈ ਫਸਲ ਆਪਣੀ ਆਉਣ ਬਾਹਰਲੇ ਨ ਧਾੜਵੀ ਲੁਟੇਰੇ।
**
ਖੱਸੀ ਜਿਹੇ ਨਹੀਂ ਬੀਜ ਬੀਜਣੇ ਜਿਹੜੇ ਅੱਗੇ ਨਵੇਂ ਬੀਜ ਨਹੀਂ ਬਣਾਉਂਦੇ।
ਹਰ ਵਾਰੀ ਹੀ ਬੀਜ ਮੁੱਲ ਦੇਣ ਲਈ ਸਾਨੂੰ ਕੰਪਨੀਆਂ ਵਾਲੇ ਨੇ ਬੁਲਾਉਂਦੇ।
ਬੀਜ ਦੀ ਗੁਲਾਮੀ ਕਰਕੇ ਅਸੀਂ ਪਾਉਣੇ ਨਹੀਂ ਬਜ਼ਾਰ ਹੁਣ ਫੇਰੇ-ਕੰਡਿਆਂ ਦਾ ਬੀਜ----
*
ਖਾਦ ਵੀ ਬਣਾਉਣੀ ਆਪਣੀ ਨਹੀਓਂ ਮੁਲ ਲੈਣੀ ਯੂਰੀਆ ਤੇ ਡਾਇਆ।
ਦੇਖੀਂ ਕਿਵੇਂ ਬੂਟੇ ਮੌਲਦੇ ਭਿਉਂ ਕੇ ਪਾਥੀਆਂ ਦਾ ਪਾਣੀ ਜਦ ਪਾਇਆ।
ਘਰੇ ਜੀਵ ਅੰਮ੍ਰਿਤ ਹੈ ਦਿੰਦੇ ਗੋਬਰ ਬਥੇਰਾ ਨੇ ਲਵੇਰੇ। ਕੰਡਿਆਂ ਦਾ ਬੀਜ ਲੈ ਲਵੋ----
**
ਕੁਦਰਤੀ ਖੇਤੀ ਬਣ ਜਾਊ ਦੇਖੀਂ ਜੱਟਾ ਇਕ ਦਿਨ ਇਹ ਅਜੂਬਾ।
ਰਾਹ ਦਿਖਲਾਉਂਦਾ ਹੈ ਸਾਨੂੰ ਕਾਸਟਰੋ ਦਾ ਦੇਸ਼ ਮਹਾਨ ਕਿਊਬਾ।
ਬਲਦਾਂ ਦੇ ਗਲ ਟੱਲੀਆਂ ਜਿਥੇ ਹਾਲੀ ਟੁਣਕਾਉਂਦੇ ਨੇ ਸਵੇਰੇ। ਕੰਡਿਆਂ ਦਾ ਬੀਜ
--**
ਬਹੁਕੌਮੀ ਕੰਪਨੀਆਂ ਨੇ ਮੱਕੜ ਜਾਲ ਐਸਾ ਆਪਣਾ ਫੈਲਾਇਆ।
ਭੁੱਲ ਕੇ ਸ਼ਾਹ ਰਾਹ ਫਿਰਦਾ ਕਿਸਾਨ ਡੰਡੀਆਂ ਦੇ ਵਿਚ ਉਂਘਲਾਇਆ।
ਹੁਣ ਖ਼ੁਦ ਲਈ ਕਮਾਈ ਕਰ ਲੈ ਪੈਸੇ ਹੋਰਾਂ ਲਈ ਕਮਾਤੇ ਤੂੰ ਬਥੇਰੇ। ਕੰਡਿਆਂ ਦਾ ਬੀਜ ਲੈ ਲਵੋ--
**
ਛੱਡ ਹੁਣ ਜ਼ਹਿਰ ਬੀਜਣੀ ਨਹੀਂ ਤਾਂ ਜ਼ਹਿਰ ਹੀ ਪਊਗੀ ਫਿਰ ਖਾਣੀ।
ਧਰਤੀ ਮਾਂ ਕੂਕਾਂ ਮਾਰਦੀ , ਪੌਣ ਗੁਰੂ ਰੋਵੇ ,ਕੁਰਲਾਵੇ ਪਿਤਾ ਪਾਣੀ।
ਖੇਤੀ ਕਰ ਅੰਮ੍ਰਿਤ ਦੀ ਤੈਨੂੰ 'ਢਿੱਲੋਂ' ਘਰੇ ਆਣਕੇ ਪ੍ਰੇਰੇ -ਕੰਡਿਆਂ ਦਾ ਬੀਜ ਲੈ ਲਵੋ---
ਕੰਡਿਆਂ ਦਾ ਬੀਜ ਲੈ ਲਵੋ ਕੰਡੇ ਖੇਤ ਵਿਚ ਬੀਜ ਦਿਓ ਚੁਫੇਰੇ
ਖੋਹਣ ਲਈ ਫਸਲ ਆਪਣੀ ਆਉਣ ਬਾਹਰਲੇ ਨਾ ਧਾੜਵੀ ਲੁਟੇਰੇ-----
ਅਮਰਜੀਤ ਢਿੱਲੋਂ
ਸਰ ਝੁਕਾਉਗੇ ਤੋ ਪੱਥਰ ਦੇਵਤਾ ਹੋ ਜਾਏਗ। ਇਤਨਾ ਮੱਤ ਚਾਹੋ ਵੋਹ ਜ਼ਾਲਿਮ ਬੇਵਫਾ ਹੋ ਜਾਏਗਾ।
ਰੂਠ ਜਾਨਾ ਤੋ ਮੁਹੱਬਤ ਕੀ ਅਲਾਮਤ ਹੈ ਮਗਰ ਕਿਆ ਖ਼ਬਰ ਥੀ ਮੁਝਸੇ ਵੋਹ ਇਤਨਾ ਖ਼ਫਾ ਹੋ ਜਾਏਗਾ।
ਹਮ ਭੀ ਦਰਿਆ ਹੈਂ ਹਮੇਂ ਅਪਨਾ ਹੁਨਰ ਮਾਲੂਮ ਹੈ, ਜਿਸ ਤਰਫ ਚਲ ਪੜੇਂਗੇ ਰਾਸਤਾ ਹੋ ਜਾਏਗਾ।
ਮੈਂ ਉਸੀ ਕਾ ਨਾਮ ਲੇਕਰ ਪੀ ਰਹਾ ਹੂੰ ਦੋਸਤੋ ਜ਼ਹਿਰ ਭੀ ਹੋਗਾ ਅਗਰ ਇਸ ਮੇ ਦਵਾ ਹੋ ਜਾਏਗਾ।