*****ਪਗੜੀ ਸੰਭਾਲ ਜੱੋਟਾ ,ਧਰਤੀ ਸੰਭਾਲ ਓਇ---------------------------------
Êਪਗੜੀ ਸੰਭਾਲ ਜੱਟਾ ਧਰਤੀ ਸੰਭਾਲ ਓਇ, ਰੋਂਦੀ ਮਾਤਾ ਧਰਤੀ ਹੈ ਅੱਜ ਬੁਰੇ ਹਾਲ ਓਇ—
ਸਾਰੀ ਸਾਫ ਹਵਾ ਅਜ ਜ਼ਹਿਰਾਂ ਨਾਲ ਭਰ ਗਈ , ਮੋਈ ਖਾਦ ਨਾਲ ਜਿਉਂਦੀ ਮਿੱਟੀ ਵੀ ਮਰ ਗਈ।
ਮਿੱਤਰ ਗੰਡੋਇਆਂ ਦਾ ਪੈ ਚਲਿਆ ਹੈ ਕਾਲ ਓਇ—ਪਗੜੀ ਸੰਭਾਲ ਜੱਟਾ---
*ਜਲਵਾਯੂ ਵਿਚ ਵੀ ਨੇ ਜ਼ਹਿਰਾਂ ਰੇਹਾਂ ਵਸੀਆਂ, ਧਰਤੀ ਦੇ ਕਣ ਕਣ ਵਿਚ ਤੇਹਾਂ ਵਸੀਆਂ
ਪਾਣੀ ਦੂਰ ਭੱਜੀ ਜਾਵੇ ਥੱਲੇ ਹਰ ਸਾਲ ਓਇ , ਧਰਤੀ ਸੰਭਾਲ---
ਅੰਮ੍ਰਿਤ ਜਿਹਾ ਕਦੇ ਛਪੜਾਂ ਦਾ ਪਾਣੀ ਸੀ, ਜ਼ਹਿਰ ਰਹਿਤ ਅੰਨ ਦੀ ਅਲੱਗ ਹੀ ਕਹਾਣੀ ਸੀ।
ਹੁਣ ਜ਼ਹਿਰਾਂ ਨਾਲ ਭਰੇ ਵਗਦੇ ਨੇ ਖਾਲ ਓਇ , ਪਗੜੀ ਸੰਭਾਲ ਜੱਟਾ---
ਜਿਹੜੇ ਪੁੱਤ ਮਾਤਾ ਤਾਈਂ ਜ਼ਹਿਰ ਪਿਲਾਉਂਦੇ ਨੇ , ਸਮੇ ਆਏ ਤਾਂ ਉੁਹ ਕਪੁੱਤ ਹੀ ਕਹਾਉਂਦੇ ਨੇ।
ਮਾਤਾ ਨੂੰ ਰੁਆ ਕੇ ਖ਼ੁਦ ਹੋਵੇਂਗਾ ਬੇਹਾਲ ਓਇ—ਧਰਤੀ ਸੰਭਾਲ –
ਨਿਪੁੰਸਕ ਬੀ ਟੀ ਬੀਜ ਅਜ ਧਰਤੀ ਨਾਲ ਜੋੜਤੇ,ਧਰਤੀ ਮਾਂ ਨਾਲੋਂ ਦੇਸੀ ਬੀਜ ਨੇ ਵਿਛੋੜਤੇ
ਜਿਹੜੇ ਇਸ ਧਰਤੀ ਦੇ ਸਨ ਸਕੇ ਲਾਲ ਓਇ-ਪਗੜੀ ਸੰਭਾਲ ਜੱਟਾ—
ਬਰਖਾ 'ਚ ਡੱਡੂ ਹੁਣ ਗੜੈਂ ਗੜੈਂ ਨਹੀਂ ਕਰਦੇ, ਚੀਚ ਵਹੁਟੀਆਂ ਦੇ ਵਿਹੜੇ ਨਹੀਂਓ ਭਰਦੇ
ਜਿਹਨਾਂ ਤਾਈਂ ਦੇਖ ਖੁਸ਼ ਹੁੰਦੇ ਸੀਗੇ ਬਾਲ ਓਇ, ਪਗੜੋ ਸੰਭਾਲ ਜੱਟਾ---
ਜ਼ਹਿਰ ਬੀਜਦੇ ਹਾਂ ਅਸੀਂਜ਼ਹਿਰ ਖਾਈ ਜਾਂਦੇ ਹਾਂ, ਕੈਂਸਰ ਜਿਹੇ ਰੋਗ ਪਿੰਡੇ 'ਤੇ ਹੰਢਾਈ ਜਾਂਦੇ ਹਾਂ।
ਖਾ ਗਏ ਮੁਨਾਫਾ ਤੇਰਾ ਨਵੇਂ ਹਸਪਤਾਲ ਓਇ, ਕਿਰਤ ਸੰਭਾਲ ਜੱਟਾ----
ਸੋਚਦੈਂ ਕਮਾਈ ਆਪਣੇ ਲਈ ਕਰਂੀ ਜਾਵੇਂ ਤੂੰ! ਪਰ ਬਹੁਕੌਮੀ ਕੰਪਨੀਆਂ ਦਾ ਢਿੱਡ ਭਰਂੀ ਜਾਵੇਂ ਤੂੰ।
ਆਪਣੀ ਗੁਲਾਮੀ ਦਾ ਤੂੰ ਬੁਣੀ ਜਾਵੇਂ ਜਾਲ ਓਇ, ਪਗੜੀ ਸੰਭਾਲ ਜੱਟਾ----
ਕਰਤਾ ਪਲੀਤ ਪੌਣ ਗੁਰੂ, ਪਿਤਾ ਪਾਣੀ ਨੂੰ,ਉਤੋਂ ਉਤੋਂ ਮੱਥੇ ਟੇਕੀਂ ਜਾਵੇਂ ਗੁਰਬਾਣੀ ਨੂੰ।
ਤਾਹੀਏਂ ਢਿਲੋਂ ਕੁਦਰਤ ਲਿਆਉਦੀ ਏ ਭੂਚਾਲ ਓਇ,ਪਗੜੀ ਸੰਭਾਲ ਜੱਟਾ
ਧਰਤੀ ਸੰਭਾਲ ਓਇ, ਰੋਂਦੀ ਮਾਤਾ ਧਰਤੀ ਹੈ ਅਜ ਬੁਰੇ ਹਾਲ ਓਇ------------