ਚੰਨਾ ਵੇ ਤੂੰ ਸਾਧ ਬਣ ਜਾ----(ਗੀਤ

****ਚੰਨਾ ਵੇ ਤੂੰ ਸਾਧ ਬਣ ਜਾ----(ਗੀਤ
ਚੰਨਾ ਵੇ ਤੂੰ ਸਾਧ ਬਣ ਜਾ ਬਣ ਸਾਧਣੀ ਰਹੂੰ ਮੈੱ ਨਾਲ ਤੇਰੇ।
Ñਲੁਟਣ ਲਈ ਪਈ ਦੁਨੀਆਂ ਮੌਜਾ ਕਰਾਂਗੇ ਬਣਾ ਕੇ ਕਈ ਡੇਰੇ।
ਨਾ ਪੈਣੇ ਪਸ਼ੂ ਰੱਖਣੇ ਪੱਠੇ ਵੱਢ ਕੇ ਵੀ ਲਿਆਉਣੇ ਨਹੀਓਂ ਪੈਣੇ।
ਦੁੱਧ ਅਤੇ ਮਲਾਈ ,ਮੱਖਣੀ ਸਾਡੇ ਕੋਲ ਨੇ ਸਦਾ ਹੀ ਆਮ ਰਹਿਣੇ।
ਕਾਜੂ ਤੇ ਬਦਾਮ ਗਿਰੀਆਂ ਸੁਬ•ਾ ਚਾਹ ਨਾਲ ਖਾਵਾਂਗੇ ਸਵੇਰੇ, ਚੰਨਾ ਵੇ ਤੂੰ ਸਾਧ ਬਣ ਜਾ------
ਵਾਹਵਾ ਸਾਰੇ ਕੜੇ ਰੱਖਲੀਂ ਕਹਿ ਦਈਂ ਲੈ ਲੋ ਜੀਹਨੇ ਮੁੰਡਾ ਲੈਣਾ।
ਭਾਵੇਂ ਜੰਮ ਪੈਣ ਕੁੜੀਆਂ ਤੈਨੂੰ ਫਰਕ ਨਹੀਂ ਰਤਾ ਵੀ ਹੈ ਪੈਣਾ।
ਜਿੰਨਾ ਦੇ ਘਰੀਂ ਮੁਡੇ ਜੰਮ ਪਏ ਉਹੀਓ ਹੋਰ ਨਾਲ ਲਿਆਉਣਗੇ ਬਥੇਰੇ, ਚੰਨਾ ਵੇ ਤੂੰ ਸਾਧ ਬਣਜਾ—
ਕਰਮਾ ਤੇ ਨਰਕਾਂ ਦਾ ਦੇਈਂ ਲੋਕਾਂ ਤਾਈਂ ਦੱਬ ਕੇ ਡਰਾਵਾ।
ਦੇਖੀਂ ਫਿਰ ਕਿਵੇਂ ਚੜ•ਦਾ ਨਿਤ ਤੇਰੇ ਅੱਗੇ ਮਾਇਆ ਦਾ ਚੜ•ਾਵਾ।
ਦੇਖੀਂ ਰੋਜ ਕਿਵੇਂ ਸਜਦੇ ਪਾਏ ਸੂਟ ਬਦਲ ਕੇ ਮੇਰੇ, ਚਨਾ ਵੇ ਤੂੰ ਸਾਧ ਬਣਜ-------
ਵੱਡੇ ਵੱਡੇ ਨੇਤਾ ਆਉਣਗੇ ਨਿਤ ਤੇਰੇ ਕੋਲ ਦੇਣ ਲਈ ਸਲਾਮੀ।
ਕਿਸੇ ਦੇ ਕਛਹਿਰਾ ਹੋਊਗਾ ਪਾਈ ਕਿਸੇ ਦੇ ਹੋਊ ਭੀੜੀ ਜੀ ਪਜਾਮੀ।
ਵੱਡੇ ਵੱਡੇ ਅਫਸਰ ਵੀ ਨਿਤ ਪਾਉਣਗੇ ਤੇਰੇ ਕੋਲ ਫੇਰੇ, ਚੰਨਾ ਵੇ ਤੂੰ ਸਾਧ ਬਣਜਾ-----
ਟੁੱਟੇ ਜਿਹੇ ਸਕੂਟਰਾਂ 'ਤੇ ਐਵੇਂ ਕਰਦੇ ਹਾਂ ਰੋਜ ਹੁਣ ਸਵਾਰੀ
ਫੇਰ ਥੱਲੇ ਹੋਊ ਆਪਣੇ ਟਾਟਾ ਸੂਮੋ ਅਤੇ ਕੁਆਲਿਸ, ਸਫਾਰੀ।
ਕਿੰਨੀ ਟੌਹਰ ਹੋਊ ਸਜਣਾ ਜਾਂ ਨਾਲ ਗੰਨਮੈਨ ਹੋਣਗੇ ਬਥੇਰੇ, ਚੰਨਾ ਵੇ ਤੂੰ ਸਾਧ ਬਣਜਾ----
ਝੂਟੇ ਲਵਾਂਗੇ ਜਹਾਜਾਂ 'ਤੇ ਜਦੋਂ ਜਾਵਾਂਗੇ ਕੈਨੇਡਾ, ਅਮਰੀਕਾ
ਦੁਨੀਆਂ ਨੂੰ ਲੁੱਟਣ ਦਾ ਏਦੂੰ ਵਧੀਆ ਨਾ ਹੋਰ ਕੋਈ ਤਰੀਕਾ।
ਛੱਡ ਢਿੱਲੋਂ ਕੰਮ ਕਰਨਾ ਰੋਜ ਆਵੇਂ ਖੋਤੋਂ ਥਕਿਆ ਹਨੇਰੇ।
ਚੰਨਾ ਵੇ ਤੂੰ ਸਾਧ ਬਣਜਾ ਬਣ ਸਾਧਣੀ ਰਹੂੰ ਮੈਂ ਨਾਲ ਤੇਰੇ।
Ñਲੁਟਣ ਲਈ ਪਈ ਦੁਨੀਆਂ ਮੌਜਾਂ ਕਰਾਂਗੇ ਬਣਾਕੇ ਕਈ ਡੇਰੇ-----
Converted from Satluj to