*****ਬੱਸ ਹਣ ਸਫਰ ਸਮਾਪਤ ਹੋਇਆ----24=3=11

*****ਬੱਸ ਹਣ ਸਫਰ ਸਮਾਪਤ ਹੋਇਆ----24=3=11
ਗ਼ਜ਼ਲ
ਬੱਸ ਹੁਣ ਸਫਰ ਸਮਾਪਤ ਹੋਇਆ ਹੁਣ ਨਾ ਲੋੜ ਪਿਆਰ ਹੈ ਕੋਈ।
ਤਪਦੇ ਮਾਰੂਥਲ ਵਿਚੋਂ ਕਦੋਂ ਨਿਕਲਦੀ ਏ ਯਾਰੋ ਆਬਸ਼ਾਰ ਹੈ ਕੋਈ।
ਆਪ ਫੈਲਾਇਆ ਮ੍ਰਿਗ ਤ੍ਰਿਸ਼ਨਾ ਦਾ ਜਾਲ ਮੈਂ ਆਪ ਸਮੇਟ ਲਿਆ ਹੈ
ਪਰਖ ਲਈਆਂ ਨੇ ਸਭੇ ਯਾਰੀਆਂ ਹੁਣ ਨਾ ਇਥੇ ਯਾਰ ਹੈ ਕੋਈ।
ਆਪਣੇ ਹਥੀਂ ਲਾਕੇ ਆਪੇ ਬਾਗ ਵੀ ਪੁਟਣੇ ਪਏ ਅਸਾਂਨੂੰ
ਆਉਣ ਬਹਾਰਾਂ ਜਾਂ ਨਾ ਆਵਣ ਹੁਣ ਨਾ ਇੰਤਜ਼ਾਰ ਹੈ ਕੋਈ।
ਆਪਣੀ ਰਾਖੀ ਆਪੇ ਕਰਨੀ ਸਿਖ ਲਏ ਜੇ ਹਰ ਇਕ ਬੰਦਾ
ਫਿਰ ਨਾ ਕੋਈ ਅਫਸਰ, ਨੇਤਾ ਨਾ ਲੋੜ ਸਰਕਾਰ ਹੈ ਕੋਈ।
ਆਪਣੇ ਹੀ ਵਜੂਦ ਤੇ ਕਰਨਾ ਸਿਖ ਲਿਐ ਜਦ ਮੈਂ ਭਰੋਸਾ
ਕਿਸੇ ਵੀ ਪੀਰ ਪੈਗੰਬਰ ,ਰੱਬ 'ਤੇ ਮੇਰਾ ਨਾ ਇਤਬਾਰ ਹੈ ਕੋਈ।
ਹਰ ਇਕ ਮੋੜ ,ਚੁਰੱਸਤੇ ਉਤੇ ਥਾਂ ਥਾਂ ਖੜ•ੇ ਵਿਕਾਊ ਬੰਦੇ
ਇਹਨਾ ਤਾਈਂ ਖ੍ਰੀਦਣ ਵੇਚਣ ਦੇ ਲਈ ਨਹੀਂ ਬਾਜ਼ਾਰ ਹੈ ਕੋਈ।
ਜੇ ਰੱਬ ਹੁੰਦਾ ਸਚੀਂ ਮੁਚੀਂ ਉਸਨੇ ਵੀ ਸੋਚਣਾ ਸੀ ਇਹ
ਕੀ ਇਸ ਜੱਗ ਬਿਨਾ ਸੀ ਥੁੜਿਆ ,ਦੇਖੋ ਇਹ ਸੰਸਾਰ ਹੈ ਕੋਈ।
ਜਿਥੇ ਮਾਲੀ ,ਫੁਲ , ਤਿਤਲੀਆਂ ਤੇ ਭੰਵਰੇ ਵੀ ਹੋਣ ਸੁਰਖਿਅਤ
ਇਸ ਦੁਨੀਆਂ ਵਿਚ ਏਸ ਤਰਾਂ ਦਾ ਚਾਹੀਦਾ ਗੁਲਜ਼ਾਰ ਹੈ ਕੋਈ। ਫੁਟਪਾਥਾਂ ਤੇ ਭੁੱਖੇ ਮਰਦੇ ਨੇ ਇਥੇ ਆਦਮ ਦੇ ਜਾਏ ਫਿਰ ਵੀ
ਬੰਦਾ ਆਖੀ ਜਾਏ ਇਥੇ ਪਰਵਰਦਗਾਰ ਹੈ ਕੋਈ।
*ਭਾਵੇਂ ਮੂੰਹ ਮੁਲਾਹਜ਼ੇ ਲਈ ਹੀ ਢਿਲੋਂ ਕੁਝ ਚਿਰ ਜਾਈਂ ਬਹਿਕੇ
ਸੁਣਿਐਂ ਤੇਰੇ ਪੁਰਾਣੇ ਯਾਰਾਂ ਵਿਚੋਂ ਅਜ ਬੀਮਾਰ ਹੈ ਕੋਈ।
ਗ਼ਜ਼ਲ
ਜੋ ਕਰਦੈ ਖ਼ੁਦਕਸ਼ੀ ਅਜ ਉਸਦਾ ਕੋਈ ਕੱਲ• ਨਹੀਂ ਹੋਣਾ।
ਜਾਂ ਫਿਰ ਜੀਣ ਦਾ ਹੀ ਉਸਨੂੰ ਯਾਰੋ ਵਲ ਨਹੀਂ ਹੋਣਾ।
Îਮੇਰੇ ਤਾਂ ਜ਼ਿਹਨ ਦੇ ਵਿਚ ਨੇ ਕੰਡਿਆਲੇ ਰਾਹ ਵਿਛੇ ਹੋਏ
ਤੁਹਾਡੀ ਧੋਤੀ ਸ਼ੜਕ ਉਤੇ ਮੈਥੋਂ ਚਲ ਨਹੀਂ ਹੋਣਾ।
ਰਾਤੀਂ ਨੀਂਦ ਹੀ ਨਹੀਂ ਆਉਂਦੀ ਉਂਜ ਤਾਂ ਠੀਕ ਹੈ ਸਭ ਕੁਝ
ਐਵੇਂ ਹੀ ਝੂਠਕਹਿੰਦੇ ਸਾਂ ਵਿਛੋੜਾ ਝੱਲ ਨਹੀਂ ਹੋਣਾ।
ਜ਼ਿੰਦਗੀ ਇੰਜ ਹੀ ਦੁਬਿਧਾ ਅੰਦਰ ਬੀਤ ਜਾਣੀ ਹੈ
ਬੋਲਿਆ ਝੂਠ ਨਹੀਂ ਜਾਣਾ ਸਚਾ ਪਿੜ ਮਲ ਨਹੀਂ ਹੋਣਾ।
ਬੜਾ ਹੀ ਮੈਂ ਉਡੀਕਾਂਗਾ ਖਿੜੀ ਫੁਲਾਂ ਰੁਤੇ ਤੈਨੂੰ
ਪਰ ਆਉਣਾ ਤੂੰ ਨਹੀਂ ਮੈਥੋਂ ਸੁਨੇਹਾ ਘੱਲ ਨਹੀਂ ਹੋਣਾ।
ਢਿਲੋਂ ਜਦ ਜੁਗਨੂੰਆਂ ਦੇ ਕਾਫਲੇ ਤੈਨੂੰ ਉਡੀਕਣਗੇ
ਤੂੰ ਮਨਫ਼ੀ ਹੋ ਗਿਆ ਹੋਵੇਂਗਾ ਫਿਰ ਹਾਸਿਲ ਨਹੀਂ ਹੋਣਾ।
----------

Converted from Satluj