ਸੁਖ ਦੀ ਲਾਲਸਾ(ਖ਼ਲੀਲ ਜ਼ਿਬਰਾਨ)21-3-11

ਸੁਖ ਦੀ ਲਾਲਸਾ(ਖ਼ਲੀਲ ਜ਼ਿਬਰਾਨ)21-3-11
ਸਚਮੁਚ ਸੁਖ ਦੀ ਲਾਲਸਾ ਆਤਮਾ ਦੀ ਤਰੰਗ ਨੂੰ ਕੋਹ ਸੁਟਦੀ ਹੈ ਅਤੇ ਫਿਰ ਦੰਦੀਆਂ ਚਿੜਾਉਂਦੀ ਅਰਥੀ ਦੇ ਨਾਲ ਨਾਲ ਤੁਰੀ ਜਾਂਦੀ ਹੈ।
*ਤੁਹਾਡੇ ਵਸਤਰ ਤੁਹਾਡੇ ਸੁਹੱਪਣ ਦਾ ਬਹੁਤ ਸਾਰਾ ਹਿੱਸਾ ਲੁਕਾ ਲੈਂਦੇ ਹਨ ਪਰ ਉਹ ਤੁਹਾਡੇ ਮਨ ਦਾ ਕੋਹਝ ਨਹੀਂ ਲੁਕਾ ਸਕਦੇ।
*ਧਰਤੀ ਤੁਹਾਡੇ ਨੰਗੇ ਪੈਰਾਂ ਦੀ ਛੋਹ ਨਾਲ ਸ਼ਰਸ਼ਾਰ ਹੁੰਦੀ ਹੈ ਅਤੇ ਪੌਣਾ ਨੂੰ ਤੁਹਾਡੇ ਵਾਲਾਂ ਨਾਲ ਖੇਡਣ ਦਾ ਚਾਅ ਹੈ।
*ਧਰਤੀ ਦੀ ਆਤਮਾ ਨੂੰ ਪੌਣ ਦੀ ਸੇਜ ਉਤੇ ਤਦ ਤਕ ਨੀਂਦ ਨਹੀਂ ਆਉਂਦੀ ਜਦ ਤਕ ਤੁਹਾਡੇ ਵਿਚੋਂ ਸਭ ਤੋਂ ਨਿਗੂਣੇ ਬੰਦੇ ਦੀਆਂ ਲੋੜਾਂ ਪੂਰੀਆਂ ਨਾ ਹੋ ਜਾਣ।
*ਤੁਹਾਡਾ ਰੱਬੀ ਆਪਾ ਸਮੁੰਦਰ ਜੇਡਾ ਹੈ ਜੋ ਹਮੇਸ਼ਾ ਅਣਗੰਧਲਿਆ ਰਹਿੰਦਾ ਹੈ।
*ਜਿਵੇਂ ਕੋਈ ਕੱਲਾ ਕਾਰਾ ਪੱਤਾ ਉਨੀ ਦੇਰ ਤਕ ਪੀਲਾ ਨਹੀਂ ਹੋ ਸਕਦਾ ਜਦੋਂ ਤਕ ਜਦੋਂ ਤਕ ਸਮੁੱਚੇ ਰੁਖ ਨੂੰ ਇਸ ਗਲ ਦਾ ਅਹਿਸਾਸ ਨਾ ਹੋਵੋ ਉਵੇਂ ਹੀ ਕੋਈ ਅਪਰਾਧੀ ਤੁਹਾਡੇ ਸਾਰਿਆਂ ਦੀ ਲੁਕਵੀਂ ਮਰਜੀ ਤੋਂ ਬਿਨਾ ਅਪਰਾਧ ਨਹੀਂ ਕਰ ਸਕਦਾ ।*
*ਕੋਈ ਵੀ ਮਕਤੂਲ(ਮਰਨਵਾਲਾ) ਆਪਣੇ ਕਤਲ ਦੀ ਜੁੰਮੇਵਾਰੀ ਤੋਂ ਬਰੀ ਨਹੀਂ ਹੋ ਸਕਦਾ।
*ਮਸੀਤ ਦੇ ਗੁੰਬਦ ਦਾ ਤਿਕੌਣਾ ਪੱਥਰ ਆਪਣੀ ਨੀਂਹ ਦੇ ਹੇਠਲੇ ਪੱਥਰ ਤੋਂ ਉੱਚਾ ਨਹੀਂ ਹੋ ਸਕਦਾ।
*ਉਸ ਬਲਦ ਬਾਰੇ ਕੀ ਕਹੀਏ ਜਿਸਨੂੰ ਆਪਣੀ ਪੰਜਾਲੀ ਨਾਲ ਪਿਆਰ ਹੈ ਅਤੇ ਜਿਸਨੂੰ ਜੰਗਲ ਦੇ ਰੋਝ ਅਤੇ ਹਿਰਨ ਆਵਾਰਾ ਪਸ਼ੂ ਲਗਦੇ ਹਨ,
*ਉਸ ਬੁਢੜੇ ਸੱਪ ਨੂੰ ਕੀ ਕਹੀਏ ਜੋ ਆਪਣੀ ਕੁੰਜ ਲਾਹ ਨਹੀਂ ਸਕਦਾ ਪਰ ਦੂਸਰਿਆਂ ਨੂੰ ਨੰਗੇ ਤੇ ਨਿਲੱਜ ਆਖਦਾ ਹੈ।
*Àਸ ਲਤੋਂ ਆਹਰੀ ਬੰਦੇ ਨੂੰ ਕੀ ਕਹੀਏ ਜਿਸਨੂੰ ਨਚਾਰ ਚੰਗੇ ਨਹੀਂ ਲਗਦੇ ।
*ਅਰਸ਼ੀਂ ਉਡਦੀ ਚੂਕ ਚਿੜੀ ਨੂੰ ਕੌਣ ਹੁਕਮ ਦੇ ਸਕਦਾ ਹੈ ਕਿ ਤੂੰ ਆਪਣਾ ਗਾਉਣਾ ਬੰਦ ਕਰਦੇ।
*ਤੁਹਾਡੇ ਵਿਚੋਂ ਆਜ਼ਾਦ ਤੋਂ ਆਜ਼ਾਦ ਬੰਦਾ ਆਪਣੀ ਆਜ਼ਾਦੀ ਨੂੰ ਇੰਜ ਚੁਕੀ ਫਿਰਦਾ ਹੈ ਜਿਸਤਰਾਂ ਪੰਜਾਲੀ ਜਾਂ ਹੱਥਕੜੀ।
*ਤੁਸੀਂ ਆਜ਼ਾਦ ਤਦ ਤਕ ਹੋ ਜਦ ਤਕ ਤੁਹਾਡੇ 'ਚ ਆਜ਼ਾਦੀ ਢੂੰਢਣ ਦੀ ਰੀਝ ਹੈ ਇਸ ਲਈ ਆਜ਼ਾਦੀ ਨੂੰ ਮੰਜ਼ਿਲ ਸਮਝਣੀ ਬੰਦ ਕਰ ਦਿਓ।
*ਜਿਹੜਾ ਆਦਮੀ ਦੋ ਮਹਿਮਾਨਾ ਵਿਚੋਂ ਇਕ ਵਲ ਵਧ ਤਵੱਜੋਂ ਦਿੰਦਾ ਹੈ ਉਹ ਦੋਵਾ ਦਾ ਹੀ ਵਿਸ਼ਵਾਸ਼ ਗੁਆ ਬੈਠਦਾ ਹੈ।
*ਜਿਵੇਂ ਫਲ ਦੀ ਗਿਟਕ ਨੂੰ ਸੁਟਣਾ ਹੀ ਪੈਂਦਾ ਹੈ ਤਾਂਕਿ ਉਸਦੇ ਅੰਦਰਲਾ ਧੁਪ ਮਾਣ ਸਕੇ ਇਵੇਂ ਹੀ ਤੁਹਾਨੂੰ ਵੀ ਪੀੜ ਸਹਿਣੀ ਹੀ ਪਵੇਗੀ।
*ਤੁਸੀਂ ਇਕ ਸੱਚ ਲੱਭਣ ਦਾ ਕਰ ਸਕਦੇ ਹੋ ਪੂਰੀ ਸਚਾਈ ਲੱਭਣ ਦਾ ਨਹੀਂ।*
*ਜਿਥੇ ਨਿਕੀਆਂ ਨਿਕੀਆਂ ਗਲਾਂ ਦੀ ਤਰੇਲ ਹੋਵੇ ਉਥੇ ਦਿਲ ਨੂੰ ਸਵੇਰ ਅਤੇ ਤਾਜ਼ਗੀ ਮਿਲਦੀ ਹੈ।
*ਤੁਸੀਂ ਉਦੋਂ ਬੋਲਦੇ ਹੈ ਜਦੋਂ ਤੁਸੀਂ ਵਿਚਾਰ ਨਾਲ ਇਕਸੁਰਤਾ ਗੁਆ ਬੈਠਦੇ ਹੋ।
* ਬਹੁਤੀ ਬੋਲ ਚਾਲ ਵਿਚ ਚਿੰਤਨ ਅੱਧਾ ਕਤਲ ਹੋ ਜਾਂਦਾ ਹੈ।
*ਬਾਰਾਂ ਸਿੰਗੇ ਕਛੂਕੁੰਮਿਆਂ ਨੂੰ ਤੇਜ ਤੁਰਨ ਦਾ ਵਲ ਨਹੀਂ ਸਿਖਾ ਸਕਦੇ।

• ਜੋ ਸਚਮੁੱਚ ਨੇਕ ਹੁੰਦੇ ਹਨ ਉਹ ਨੰਗੇ ਤੋਂ ਇਹ ਨਹੀਂ ਪੁਛਦੇ ਕਿ ਤੇਰਾ ਕੱਜਣ ਕਿਥੇ ਹੈ।
• *ਤੁਹਾਡੇ 'ਚੋਂ ਬਹੁਤੇ ਲੋਕ ਅਜਿਹੇ ਹਨ ਜੋ ਗਲਾਂ ਕਰਨ ਲਈ ਗਲਾਧੜੀਆਂ ਨੂੰ ਲੱਭਦੇ ਫਿਰਦੇ ਹਨ।ਉਹਨਾਂ ਨੂੰ ਆਪਣੀ ਇਕੱਲ ਤੋਂ ਡਰ ਲਗਦਾ ਹੈ। ਇਕਾਂਤ ਦੀ ਖ਼ਾਮੋਸ਼ੀ ਉਹਨਾ ਅੱਗੇ ਉਹਨਾ ਦਾ ਨੰਗਾ ਆਪਾ ਖਿਲਾਰ ਦਿੰਦੀ ਜਿਸਤੋਂ ਉਹ ਭਜਣਾ ਚਾਹੁੰਦੇ ਹਨ।
• *ਜਦੋਂ ਰਾਹ ਜਾਂਦਿਆਂ ਤੁਹਾਡਾ ਦੋਸਤ ਮਿਲੇ ਤਾਂ ਆਪਣੀ ਰੂਹ ਨੂੰ ਬੁੱਲ•ਾਂ ਤਕ ਆਉਣ ਦਿਓ ਅਤੇ ਆਪਣੀ ਜ਼ੁਬਾਨ ਦੀ ਅਗਵਾਈ ਕਰਨ ਦਿਓ।

Converted