****ਯਾਦ ਬੜਾ ਹੀ ਆਏ ਸੂਰਜ
ਗ਼ਜ਼ਲ
ਜਦ ਧਰਤੀ ਦੇ ਓਹਲੇ ਹੋਕੇ ਰਾਤਾਂ ਨੂੰ ਛੁਪ ਜਾਏ ਸੂਰਜ।
ਰਾਤੀਂ ਘੁਪ ਹਨੇਰੇ ਦੇ ਵਿਚ ਯਾਦ ਬੜਾ ਹੀ ਆਏ ਸੂਰਜ।
ਉਲੂ ਬੈਠ ਗੁਫ਼ਾਵਾਂ ਵਿਚ ਰਹਿਣ ਉਡੀਕ ਰਾਤ ਦੀ ਕਰਦੇ
ਚੋਰਾਂ ,ਯਾਰਾਂਤੇ ਕੂੜਿਆਰਾਂ ਤਾਈਂ ਰਤਾ ਨਾ ਭਾਏ ਸੂਰਜ।
Ñਲੁਕਣਮੀਟੀ ਰਹੇ ਖੇਡਦਾ ਇਹ ਛੁਪ ਕੇ ਵੀ ਕਦ ਛੁਪਦਾ ਹੈ
ਰਾਤੀਂ ਚੰਨਚਾਂਦਨੀ ਰਾਹੀਂ ਫਿਰ ਆਪਣੀ ਹੋਂਦ ਜਤਾਏ ਸੂਰਜ।
ਸੂਰਜ ,ਸੱਚ ਨੂੰ ਤਨਹਾਈ ਦੀ ਜੂਨ ਹੰਢਾਉਣੀ ਪੈੱਦੀ ਅਕਸਰ
ਭੀੜ 'ਚ ਉਸਦਾ ਕੰਮ ਨਾ ਕੋਈ ਜੋ ਬੰਦਾ ਬਣ ਜਾਏ ਸੂਰਜ।
ਸਾਰੇ ਹੀ ਸਮੁੰਦਰਾਂ ਦੇ ਵਿਚ ਸੂਰਜ ਸਦਾ ਮੌਜੂਦ ਹੈ ਰਹਿੰਦਾ
ਤੇਹ ਬੁਝਾਵਣ ਲਈ ਸਾਗਰ ਨੂੰ ਆਪਣੇ ਵਲ ਬੁਲਾਏ ਸੂਰਜ।
ਨਦੀਆਂ, ਨਾਲੇ , ਮੀਂਹ, ਹਨੇਰੀ ਦਰਿਆਵਾਂ ਦੇ ਵਹਿਣਾ ਅੰਦਰ
ਮਸਤ ਕਲੰਦਰ ਰਹਿਕੇ ਦੇਖੋ ਕੀ ਕੀ ਰੰਗ ਵਟਾਏ ਸੂਰਜ।
ਗਿਆਨਹੀਣ ਤਾਂ ਸਿਖਰ ਦੁਪਹਿਰੇ ਵੀ ਠੇਡੇ ਖਾਂਦੇ ਰਹਿੰਦੇ ਨੇ
ਅੰਧਵਿਸ਼ਵਾਸ਼ੀ ਧੁੰਧ 'ਚ ਲਿਪਟੇ ਕਹਿਣ ਦਿਸੇ ਹਾਏ ਸੂਰਜ।
ਨਾ-ਬਰਾਬਰੀ ਖਤਮ ਕਰਨ ਲਈ ਜਿਹੜੇ ਹੱਸਕੇ ਫਾਂਸੀ ਚੜ• ਗਏ
ਪਤਾ ਨਹੀਂ ਉਹਨਾਂ ਆਪਣੇ ਬੋਝੇ ਵਿਚ ਸੀ ਕਿੰਨੇ ਪਾਏ ਸੂਰਜ।
ਸੂਰਜ ਅਤੇ ਸਮੁੰਦਰ ਕਿਸੇ ਤੁਆਰਫ਼ ਦੇ ਮੁਹਤਾਜ਼ ਨਹੀਂ ਹੁੰਦੇ
ਢਿੱਲੋਂ ਕਿਤੇ ਖ਼ਾਮੋਸ਼ ਸਮੁੰਦਰ ਵਰਗਾ ਤੇ ਕਿਤੇ ਬਣ ਜਾਏ ਸੂਰਜ।
Subscribe to:
Post Comments (Atom)
No comments:
Post a Comment