ਲੰਮੀ ਮਾਰ ਉਡਾਰੀ ਤੁਰ ਗਏ( ਗ਼ਜ਼ਲ) ਅਮਰਜੀਤ ਢਿੱਲੋਂ
-----------------
ਮੁੱਦਤ ਹੋਈ ਖ਼ਬਰ ਨਾ ਸਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
Îਮੇਰੇ ਮਹਿਰਮ , ਦਿਲਬਰ, ਯਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਤਾੜੀ ਦੀ ਆਵਾਜ਼ ਸੁਣੀ ਤਾਂ ਰੁੱਖ 'ਤੇ ਗਾਉਂਦੇ ਸੁਹਣੇ ਪੰਛੀ
ਪਹਿਲਾਂ ਹੀ ਬੈਠੇ ਸੀ ਤਿਆਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਰਿਜ਼ਕ ਦੇ ਪਿੱਛੇ ਪਿੱਛੇ ਦੇਖੋ ਮੇਰੇ ਆਲ•ਣਿਆਂ ਦੇ ਬੋਟ
ਸੱਤ ਸਮੁੰਦਰ ਤੋਂ ਵੀ ਪਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਸੱਟ ਕੱਢੀ ਤਾਂ ਸਾਧ ਬਿਸਤਰੇ ਫਿਰ ਤੂੰ ਕੌਣ ਤੇ ਮੈਂ ਵੀ ਕੌਣ
Îਮਤਲਬਖੋਰੇ ਸਭ ਹੋਛੇ ਯਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਫੁੱਲਾਂ 'ਤੇ ਮੰਡਾਰਾਉਂਦੇ ਭੰਵਰੇ ਤੇ ਤਿਤਲੀਆਂ ਨੇ ਜਦ ਦੇਖੇ
ਡਾਲੀਆਂ ਉਤੇ ਉੱਗੇ ਖ਼ਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਮਹਿੰਗਾਈ ਦੇ ਇਸ ਯੁੱਗ ਅੰਦਰ ਤੋਹਫੇ ਨਾ ਦੇਣ ਤੇ ਮੇਰੇ
ਕਈ ਨਜ਼ਦੀਕੀ ਰਿਸ਼ਤੇਦਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਇਸ਼ਕ 'ਚ ਪਾਗਲ ਰੋਗੀ ਰਾਂਝੇ,ਹੀਰਾਂ ਦੇ ਬਹਿਕਾਵੇ ਦੇ ਵਿਚ
ਛੱਡ ਕੇ ਆਪਣੇ ਕਾਰੋਬਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਹੁਸਨਾਂ ਨੇ ਜਦ ਇਸ਼ਕ ਤੋਂ ਆਪਣੇ ਹਿੱਸੇ ਦੀ ਵਸੂਲੀ ਮਸਤੀ
ਭਰਕੇ ਨੈਣਾਂ ਵਿਚ ਖ਼ੁਮਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਜਿੱਤ ਗਏ ਜਦ ਨੇਤਾ ਜੀ ਤਾਂ ਪੁਸ਼ਪ ਹੰਸ ਦੇ ਉਤੇ ਬਹਿ ਕੇ
ਪਿੱਛੇ ਉਡਦਾ ਛੱਡ ਗ਼ੁਬਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਪੀਲੇ ਹੱਥ ਹੋਏ ਹੁਸਨ ਨੇ ਇਸ਼ਕ ਨਾ ਪੀਲਾ ਹੋਇਆ ਤਕਿਆ
ਕਰਕੇ ਆਪਣਾ ਹਾਰ ਸ਼ਿੰਗਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
ਇਸ ਦੁਨਿਆਵੀ ਬਿਰਖ ਦੇ ਉੱਤੇ ਢਿੱਲੋਂ ਵਰਗੇ ਰਹੇ ਚਹਿਕਦੇ
ਭਰਿਆ ਮੇਲਾ ਸੀ ਦਿਨ ਚਾਰ ਲੰਮੀ ਮਾਰ ਉਡਾਰੀ ਤੁਰ ਗਏ।
----------------
ਅਮਰਜੀਤ ਢਿੱਲੋਂ,ਪਿੰਡ ਦਬੜ•ੀਖਾਨਾ ਵਾਇਆ ਬਾਜਾਖਾਨਾ
ਜਿਲ•ਾ ਫਰੀਦਕੋਟ ਪਿੰਨ 151205
ਮੋਬਾ-94171 20427
Subscribe to:
Post Comments (Atom)
No comments:
Post a Comment