jo hass nahi sakda......

* ਕੋਈ ਦਿਲ ਟੂਟਾ ਤੋ ਆਈ ਯੇ ਆਵਾਜ ਦੋਸਤੀ ਕਾ ਬੱਸ ਯਹੀ ਅੰਜ਼ਾਮ ਹੈ।
*ਅਸੀਂ ਹੱਸਣਾ ਗੁਆਂਢ ਵਿੱਚ ਵੱਸਣਾ ਤੂੰ ਵਿਹੜੇ ਵਿੱਚ ਕੰਧ ਮਾਰ ਲੈ

*ਉਸਦੇ ਸਿਰ ਤੇ ਭਾਰ ਹੈ ਜੋ ਹੱਸ ਨਹੀਂ ਸਕਦਾ।
ਜਾਂ ਉਹ ਕਢਦਾ ਧਾਰ ਹੈ ਜੋ ਹੱਸ ਨਹੀਂ ਸਕਦਾ।
Îਮੋਟਾ ਸ਼ਾਹੂਕਾਰ ਹੈ ਜੋ ਹੱਸ ਨਹੀਂ ਸਕਦਾ।
ਜਾਂ ਮੂਲੋਂ ਲਾਚਾਰ ਹੈ ਜੋ ਹੱਸ ਨਹੀਂ ਸਕਦਾ।
ਉਸਦੇ ਸਿਰ ਉਧਾਰ ਹੈ ਜੋ ਹੱਸ ਨਹੀਂ ਸਕਦਾ।
ਜਾਂ ਫਿਰ ਤੇਜ ਬੁਖਾਰ ਹੈ ਜੋ ਹੱਸ ਨਹੀਂ ਸਕਦਾ।
ਜਾਂ ਕਢਦਾ ਅਖ਼ਬਾਰ ਹੈ ਜੋ ਹੱਸ ਨਹੀਂ ਸਕਦਾ।
ਪੀਲਾ ਪੱਤਰਕਾਰ ਹੈ ਜੋ ਹੱਸ ਨਹੀਂ ਸਕਦਾ।
ਖ਼ਬਰਾਂ ਦਾ ਮਧੋਲਿਆ ਰਹਿੰਦੈ ਹਰ ਵੇਲੇ
ਜਾਂ ਲੱਭਦਾ ਇਸ਼ਤਿਹਾਰ ਹੈ ਜੋ ਹੱਸ ਨਹੀਂ ਸਕਦਾ।
ਰਿਜ਼ਕ ਦੀ ਖਾਤਿਰ ਪਰਦੇਸਾਂ ਵਿੱਚ ਫਿਰਦਾ ਹੈ
ਘਰ ਵਿੱਚ ਧੀ ਮੁਟਿਆਰ ਹੈ ਜੋ ਹੱਸ ਨਹੀਂ ਸਕਦਾ।
ਇੰਗਲਿਸ਼ ਐਮ ਏ ਕਰ ਸਹਿਕਾਰੀ ਸਭਾ ਦੇ ਵਿੱਚ
ਲਗਿਆ ਸੇਵਾਦਾਰ ਹੈ ਜੋ ਹੱਸ ਨਹੀਂ ਸਕਦਾ।
ਰਾਤੀਂ ਦਾਰੂ ਪੀਕੇ ਬਹੁਤਾ ਹੱਸਿਆ ਹੈ
ਹੋਇਆ ਦਿਨ ਬੀਮਾਰ ਹੈ ਜੋ ਹੱਸ ਨਹੀਂ ਸਕਦਾ।
ਵੱਡ ਆਕਾਰੀ ਬੰਦੇ ਇੱਥੇ ਲੱਭਦੇ ਨਹੀਂ
ਉਹ ਲੱਭਦਾ ਨਿਰੰਕਾਰ ਹੈ ਜੋ ਹੱਸ ਨਹੀਂ ਸਕਦਾ।
ਅੱਜ ਕੱਲ• ਦੀਵਾਲੇ ਦੇ ਦੀਵੇ ਵਿਕਦੇ ਨਹੀਂ
ਉਹ ਪੁਰਾਣਾ ਘੁਮਿਆਰ ਹੈ ਜੋ ਹੱਸ ਨਹੀਂ ਸਕਦਾ।
ਚੋਰੀ ਕਰਕੇ ਗੀਤ ਤੇ ਬਣ ਸਕਤਾਜ ਗਿਆ
ਉਹ ਨਕਲੀ ਫ਼ਨਕਾਰ ਹੈ ਜੋ ਹੱਸ ਨਹੀਂ ਸਕਦਾ।
ਗਦੀਓਂ ਲੱਥੇ ਵਜ਼ੀਰ ਦੇ ਜ਼ਿਹਨ ਚ ਘੁੰਮ ਰਹੀ
ਝੰਡੀ ਵਾਲੀ ਕਾਰ ਹੈ ਜੋ ਹੱਸ ਨਹੀਂ ਸਕਦਾ।
ਜਿਤਣ ਵਾਲੇ ਮੁੱਛਾਂ ਨੂੰ ਤਾਅ ਦਿੰਦੇ ਨੇ
ਉਸਨੂੰ ਦਿਸਦੀ ਹਾਰ ਹੈ ਜੋ ਹੱਸ ਨਹੀਂ ਸਕਦਾ।
Ñਲੁੱਟਦਾ ਲੁੱਟਦਾ ਲੋਕਾਂ ਤਾਈਂ ਬਣ ਬੈਠਾ
ਅੱਜ ਉਹ ਪਹਿਰੇਦਾਰ ਹੈ ਜੋ ਹੱਸ ਨਹੀਂ ਸਕਦਾ।
ਦੁਨੀਆਂ ਤਾਈਂ ਡਰਾਵੇ ਦੇ ਦੇ ਨਰਕਾਂ ਦੇ
ਬਣਿਆ ਪਰਵਰਿਦਗਾਰ ਹੈ ਜੋ ਹੱਸ ਨਹੀਂ ਸਕਦਾ।
ਢਿੱਲੋਂ ਵਰਗੇ ਦੀਵਾਨੇ ਹੀ ਹੱਸਦੇ ਨੇ ਇੱਥੇ
ਦੁਖੀਆ ਸੱਭ ਸੰਸਾਰ ਹੈ ਜੋ ਹੱਸ ਨਹੀਂ ਸਕਦਾ।