ਗ਼ਜ਼ਲ 20 ਸਤੰਬਰ

ਗ਼ਜ਼ਲ 20 ਸਤੰਬਰ
ਜੋ ਆਦਮੀ ਖ਼ਾਸ ਸੀ ਦੇਖੋ ਉਹ ਕਿੰਨਾ ਆਮ ਹੋਇਆ ਏ ।
ਤੇ ਆਮ ਆਦਮੀ ਇਸ ਦੌਰ ਵਿਚ ਬਦਨਾਮ ਹੋਇਆ ਏ।
ਮੈਨੂੰ ਪਤਾ ਹੈ Àੋਸ ਪੰਖੇਰੂ ਦਾ ਪਤਾ ਟਿਕਾਣਾ ਵੀ ਦੋਸਤੋ
ਜੋ ਅੰਬਰ ਛੋਹਣ ਲਈ ਅਖੀਰ ਵਿਚ ਨਾਕਾਮ ਹੋਇਆ ਏ।
Îਮੇਰੀ ਇਸ ਭਟਕਣ 'ਚ ਮੇਰੀ ਆਪਣੀ ਕੋਈ ਮਰਜੀ ਨਹੀਂ
ਇਹ ਅਥਰਾ ਵਕਤ ਦਾ ਘੋੜਾ ਹੀ ਬੇਲਗਾਮ ਹੋਇਆ ਏ।
ਇਹ ਵੀ ਆਦਮੀ ਫ਼ਿਤਰਤ ਹੈ ਕਿ ਆਰਾਮ ਖਾਤਿਰ ਉਹ
ਸਾਰੀ ਉਮਰ ਹੀ ਰਹਿੰਦਾ ਉਹ ਬੇ ਆਰਾਮ ਹੋਇਆ ਏ ।
ਲਾਕੇ ਉਂਗਲ ਨੂੰ ਲਹੂ ਹੈ ਸ਼ਹੀਦਾਂ ਵਿਚ ਉਹ ਸ਼ਾਮਿਲ
ਜਿਸਦੀ ਉਂਗਲ 'ਤੇ ਹੀ ਸਾਰਾ ਕਤਲੇਆਮ ਹੋਇਆ ਏ।
ਜਿਸ ਮੁਹੱਬਤ ਨੂੰ ਮੇਰੇ ਨਾਲ ਅੰਤਾਂ ਦੀ ਹੈ ਰਹੀ ਨਫ਼ਰਤ
ਅਜੇ ਵੀ ਚੇਤਿਆਂ 'ਚ ਲਿਖਿਆ ਉਹਦਾ ਨਾਮ ਹੋਇਆ ਏ।
ਕਿਸੇ ਦੀ ਯਾਦ ਦਾ ਪੱਥਰ ਅਚਾਨਕ ਫੇਰ ਡਿਗਿਆ ਹੈ
ਮੇਰੇ ਮਨ ਦੇ ਪਾਣੀਆਂ 'ਚ ਮੱਚਿਆ ਕੋਹਰਾਮ ਹੋਇਆ ਏ।
ਬੜੀ ਰੌਣਕ ਹੈ ਮੈਅਕਦੇ 'ਤੇ ਪਰ ਮੈਂ ਹੀ ਉਦਾਸ ਹਾਂ
ਮੇਰੇ ਹੱਥਾਂ 'ਚ ਫੜਿਆ ਟੁਟਿਆ ਕਿਉਂ ਜਾਮ ਹੋਇਆ ਏ।
ਦੁਨੀਆਂ ਦੀ ਸਭ ਤੋਂ ਖ਼ੂਬਸੂਰਤ ਚੀਜ ਖ਼ੁਦ ਦੁਨੀਆਂ ਹੈ
ਮੈਨੂੰ ਵੀ ਬਹੁਤ ਦੇਰ ਪਿਛੋਂ ਇਹ ਇਲਹਾਮ ਹੋਇਆ ਏ।
ਜਿਹੜਾ ਵੀ ਬੰਦਾ ਦਾਸ ਪੈਸੇ ਨੂੰ ਬਣਾ ਨਹੀਂ ਸਕਦਾ
ਉਹ ਬੰਦਾ ਦੇਖਿਆ ਖ਼ੁਦ ਪੈਸੇ ਦਾ ਗੁਲਾਮ ਹੋਇਆ ਏ।
ਉਹ ਬੰਦਾ “ਢਿੱਲੋਂ” ਵਾਂਗੂ ਬਹੁਤ ਹੀ ਸੱਚ ਬੋਲਦਾ ਹੋਣੈ
ਜੀਹਦਾ ਪਿੰਡ ਦੇ ਚੌਰਾਹੇ ਵਿਚ ਕੰਮ ਤਮਾਮ ਹੋਇਆ ਏ